Nancy-Marie Vuille
| Nancy-Marie Vuille | |
|---|---|
_alias_Andr%C3%A9_Glad%C3%A8s,_Schriftstellerin.jpg) | |
| Bizitza | |
| Jaiotza | Neuchâtel, 1867ko azaroaren 25a |
| Herrialdea |  Suitza |
| Heriotza | Geneva, 1906ko urtarrilaren 31 (38 urte) |
| Hezkuntza | |
| Hizkuntzak | frantsesa |
| Jarduerak | |
| Jarduerak | itzultzailea |
| Izengoitia(k) | André Gladès |
Nancy-Marie Vuille (Neuchâtel, 1867ko azaroaren 25a – Geneva, 1906ko urtarrilaren 31)[1], André Gladès izengoitiaz ere ezaguna, suitzar idazlea izan zen.
Bizitza
[aldatu | aldatu iturburu kodea]Louis Vuille eta Adèle Gladèsen alaba, Nancy-Marie Vuille Neuchâtelen jaio eta Genevan hazi zen, non bere aitak Saint-Jean garagardotegia zuzentzen zuen. Han hasi zituen bigarren mailako ikasketak, Weinheimeko eta gero Hampsteadeko barnetegietan sartu aurretik.[2]
Suitzara itzuli zenean, Genevako Unibertsitatean matrikulatu zen, eta han Édouard Roden zuzendaritzapean ikasi zuen. Nancy-Marie Vuillek harreman estua garatu zuen bere irakaslearekin, eta hark lagundu zion bere literatura-ibilbide hasiberriari. Hasieran Anne-Marie izengoitia aukeratu zuen, eta gero André Gladès, amaren abizenari erreferentzia eginez. 1893tik aurrera Parisen bizi izan zen, baina hala ere harreman estua izan zuen Édouard Rodekin, elkarri gutun ugari izan baitzituzten.[3] Parisen hiru eleberri idatzi zituen: Au gré des choses (1895), Résistance (1898) eta Le stérile sacrifice (1901). Ipuin laburrak, saiakerak, itzulpenak eta Giovanni Cena italiar poetari buruzko ikerketa bat ere argitaratu zituen, eta hainbat hedabidetan kolaboratu zuen.[4]
Nancy-Marie Vuille 1906an hil zen, 38 urte zituela, gaixotasun luze baten ondoren.[5] Handik gutxira, Rodek bere lagunaren azken idazlana (Florence Monneroy) argitaratu zuen.[6]
Lan hautatuak
[aldatu | aldatu iturburu kodea]- Au gré des choses (1895)
- Résistance (1898)
- Le stérile sacrifice (1901)[7]
- Florence Monneroy (hil ostekoa, 1906)
Erreferentziak
[aldatu | aldatu iturburu kodea]- ↑ (Frantsesez) «Gladès, André (1867-1906)» BnF (kontsulta data: 2025-10-10).
- ↑ (Frantsesez) «Marie-Nancy Vuille» Famille Vuille 2006-12-27 (kontsulta data: 2025-10-10).
- ↑ (Frantsesez) Edouard Rod. Cote : EDRO-102. Neuchâtel: Bibliothèque publique et universitaire de Neuchâtel.
- ↑ (Frantsesez) Nancy Vuille. Cote : NAVU-109-1.1 et 1.2. Neuchâtel: Bibliothèque publique et universitaire de Neuchâtel.
- ↑ (Frantsesez) «Neuchâtel» L’Express: 6. 1906-02-03.
- ↑ (Frantsesez) Zaslawsky, Sandrine. «André Gladès» Dictionnaire historique de la Suisse 2005-11-21 (kontsulta data: 2025-10-10).
- ↑ (Frantsesez) «Stérile sacrifice» L’Express: 23. 1988-06-24.
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q63485931
Multimedia: Marie-Nancy Vuille / Q63485931