Nekaratu arrunt

Nekaratu arrunt
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Nymphalidae
Leinua	Argynnini
Generoa	Argynnis
Espeziea	Argynnis paphia Linnaeus, 1758
Datu orokorrak
Ostalaria	Viola riviniana

Nekaratu arrunta (Argynnis paphia) Euskal Herrian aurki daitekeen tximeleta bat da, Nymphalidae familiakoa. Europan aurkitzen da batez ere. Asiako toki epeletan ere ikus daiteke eta Magreb aldean ere bai.

Lineok deskribatu zuen 1758. urtean eta Papilio paphia izena eman zion.

Deskribapena

Tximeleta handia da, 52-70 mm arteko hegal-zabalera hartzen du. Kolore laranja du eta puntu beltzen bi lerro ditu hegalen ertzetan. Emea ere antzekoa da baina puntu betzak handiagoak dira arrarenak baino. Hegalen azpialdean antzekoa dute biek, aurreko hegalak laranjak eta atzekoan berdexkak lerro zuriekin.

Bada "valesina" izeneko aldaera bat, Kantauri mendikatean ohikoa dena. Tximeleta emeak kolore laranja beharrean kolore gris argia du eta orbain marroiak agertzen ditu.

Beldarra marroi iluna da, lrro hori eta gorriak ditu eta arantza gorri adarkatuak.

Bizi zikloa

Belaunadi bakarreko tximeleta da eta ekaina eta abuztu amaiera artean ikussten da hegan. Kopula gertatu ondoren emeak zuhaitz hostoerorkorren azaleko arrakaletan jartzen ditu arrautzak. Negua hasi baino lehen ateratzen dira beldarrak. Arrautza jaten dute eta enborraren azaleko arrakaletan babesten dira. Hor igarotzen dute negu osoa. Udaberrian zuhaitzetik jeitsi eta bioletaren familiako landareetak elikatzen dira. Udaberri amaiera aldera pupak eratzen dituzte eta uda hasieran tximeleten belaunaldi berria sortzen da.

Habitata

Itsas mailatik 1.500 metrotako altuera arteko baso ertzetan bizi dira.

Iruditegia

• 
  Tximeleta arraren gainaldea.
• 
  Tximeleta emearen gainaldea.
• 
  Tximeletaren azpialdea (arra).
• 
  Valesina aldaera.

Kanpo estekak

• Datuak: Q503978
• Multimedia: Argynnis paphia / Q503978
• Espezieak: Argynnis paphia