Nemesio Mogrobejo

Wikipedia, Entziklopedia askea
Jump to navigation Jump to search
Nemesio Mogrobejo
Bizitza
Jaiotza Bilbo1875eko martxoaren  25a
Herrialdea  Bizkaia, Euskal Herria
Heriotza Graz1910eko apirilaren  6a (35 urte)
Heriotza modua : tuberkulosia
Hezkuntza
Hizkuntzak gaztelania
Jarduerak
Jarduerak eskultorea

Nemesio Mogrobejo Abasolo (Bilbo, 1875eko martxoaren 25a - Graz, 1910eko apirilaren 6a) euskal eskultorea izan zen[1].

Biografia[aldatu | aldatu iturburu kodea]

Bilboko Zazpikaleetan jaioa, Nemesio Valentín Mogrobejo Buon eta Nicolasa Abasolo Zalabarriaren hamargarren seme-alaba izan zen.

Bilboko Arte eta Lanbide Eskolan sartu eta Ángel Larroque ezagutu zuen. Biek Anselmo Guinea izan zuten maisu bertan. 1894an, Larroquerekin batera lortutako Bizkaiko Foru Aldundiak emandako beka bati esker, Parisera joan zen ikastera. Bertan Ignacio Zuloaga, Pablo Uranga eta, batez ere Francisco Durrio ezagutu zuen. Azkena etxekide zuen[2].

Parisko Colarossi akademiaren gaueko klaseetan, 1896an Paula Scheneck austriarra ezagutu eta biek harremanetan hasi ziren. Beka amaitu ondoren elkarrekin bidaiatu zuen Espainia eta Alemanian zehar eta Bruselara joan ziren bizitzera non semea izan zuten. 1898ko ekainaren 7an ama eta seme hil eta, une latzak pasa ondoren, bere maitalearen hilobia zizelkatzeari ekin eta urtebete beranduago Vienan aurkeztu zuen[3].

Auguste Rodinren lana ezagutu ondoren, Mogrobejok akademizismo utzi eta korronte berriak landu zituen. Garai hartan ere, abizenaren "v" kendu eta "b" erabili zuen.

Larroquerekin beste beka bat lortu eta Italiara joan zen lau urtez. Erroman eta Florentzian modernismo izan zen nagusi bere lanetan.

1908an Arrue anaiekin batera El Coitao aldizkari satirikoa sortu zuen Bilbon.

Bartzelonan brontzezko eskulturak egiteari lotu eta, aurretik birikeria okerragotu egin zitzaion. Toskanan egonaldi bat egin ondoren, heriotza gertu zela sumatu eta Grazera joan zen hiltzera, Paula bere amodioarekin batera.

Bertan 1910eko apirilaren 6an hil eta Bilbon zeuden bere lagunek jakinarazi eta erakusketa antolatu zuten, Juan de la Encina kritikariak antolatuta.

Orduan Miguel de Unamunok honela deskribatu zuen:[4]

« «En Ahí tenéis la carne, la carne del dolor, pero también del placer, perpetuada en bronce y mármol, después de palpitar en barro». »


Lan nagusiak[aldatu | aldatu iturburu kodea]

  • Risveglio
  • Eva
  • Bustop de Anselmo Guinea
  • Hero y Leandro
  • La muerte de Orfeo
  • Busto de Alejandro Zaballa
  • Busto de Salustiano Mogrovejo
  • Panteón de la familia Gandarias

Erreferentziak[aldatu | aldatu iturburu kodea]

  1. Alfonso Saiz Valdivieso: "Nemesio Mogrobejo. La escultura en carne mortal". Bilbo: 2006. ISBN 84-934774-1-9
  2. www.bilbao.net
  3. Idazle asko: "Nemesio Mogrobejo. Su vida y sus obras". Bilbo: 1972
  4. Miguel de Unamuno. "Sensaciones de Bilbao". Hermes aldizkariaren saiakera-bilduma