Nepalgo uraldia (2026)

Nepalgo uraldia
Mota	uholdea ; hondakin-fluxua ; Flash uholdea ; glaziar Aintzirako ihespenaren uholdeak ; herrialdeko II. mailako larrialdi erantzuna hondamendien laguntzarakoa
Data	2026ko abuztuaren 26a (10:59. UTC+05:45)
Kokaleku	Bhotekoshi; Lēnḍē khōlā; Trishuli ibaia
Estatu burujabe	Nepal eta Txinako Herri Errepublika
Koordenatuak	28°18′N 85°30′E / 28.3°N 85.5°E
Kausa	glaziarraren erorketa
Honen ondorioa	lurrikara
Pertsona hilak	1.400 (2026ko irailaren 9a)
Pertsona zaurituak	6.827 (2026ko irailaren 9a)
Pertsona desagertuak	5.845 (2026ko irailaren 9a)
Multimedia

Uholdeak Gyirong portuan.

Nepalgo uraldia 2026ko abuztuaren 26ko goizean jazo zen, Trishuli ibaian behera zetorren bat-bateko lokatz erauntsi suntsitzaile batek dozenaka herrigune kaltetu zituenean, Nepalgo Rasuwa eta Nuwakot barrutietan. Eragindako uholdeek Gyirong portuko zonaldea ere kaltetu zuten, Txina eta Nepalen arteko mugan, mugaz gaindiko merkataritza eta turismorako sarrera garrantzitsua.^[1] Nepalen, bizitegi-guneek eta azpiegiturek, errepideak barne, kalte handiak jasan zituzten.^[2]

Biktimak

Bat-bateko uraldiak eta ondoriozko luiziek kalteak eragin zituzten eremu populatuetan, eta Nepalen gutxienez 292 hildako izan zirela eta Txinan 3 izan zirela jakinarazi zuten funtzionarioek.^[3] 1.300 pertsona baino gehiago desagertu zirela baieztatu zuten bilaketa- eta erreskate-operazioekin jarraitzen duten bitartean, tokiko egoiliarrak eta turistak barne.

Turistak harrapatuta

Nepalen desagertutako bidaiarien artean gutxienez 48 herrialdetakoak daude, turismoaz arduratzen den herrialdeko erakundearen arabera: besteak beste, 127 Nepalgoak bertakoak dira, 170 inguru Indiakoak, 65 Ameriketako Estatu Batuetakoak, 53 Ukrainakoak, 51 Malaysiakoak, 35 Australiakoak, 33 Erresuma Batukoak, 25 Kanadakoak, lau Frantziakoak eta beste lau Espainiakoak.^[3]

Kausak

Nepalgo Atzerri ministro Shishir Khanalen arabera, litekeena da lurrikara batek eragin izana bat-bateko uholde horiek. Khanalen esanetan, uste dute lurrikarak luizi handi bat eragin zuela, eta lur horrek ibai bat blokeatzearen ondorioz sortu zirela uholdeak. AEBetako USGS zerbitzu geologikoak 4,4 graduko seismo bat erregistratu zuen atzo goizean Tibeten, Nepalgo mugatik hurbil.

Geroago, baina, USGSk zehaztu zuen luizi batek eragin zuela mugimendu hori, hau da, ez zela lurrikararik izan. Himalaian antzerako uholdeak gertatu izan dira, eta ez da erraza izaten zerk eragin dituen argitzea. Hala ere, hainbat ikerlarik BBC hedabideari adierazi diotenez, hipotesi nagusia da izotz bloke handi bat jaustearen eraginez sortu dela lur jausia.^[3]

Erreferentziak

↑ (Gaztelaniaz) Santirso, Jaime. (2026-08-26). «Más de 1.300 desaparecidos, cuatro de ellos españoles, y 270 muertos en la brutal riada entre Nepal y Tíbet» El Diario Vasco (kontsulta data: 2026-08-27).
↑ https://www.reuters.com/business/environment/nepal-flash-flood-washes-away-villages-project-sites-near-tibet-border-2026-08-26/
1 2 3 «Gutxienez 270 dira uholdeengatik hildakoak Nepalen eta Tibeten, eta 1.400 inguru desagertuak» Berria 2026-08-27 (kontsulta data: 2026-08-27).

Kanpo estekak

Datuak: Q141182413
Multimedia: 2026 Nepal and Tibet floods / Q141182413

[1] (Gaztelaniaz) Santirso, Jaime. (2026-08-26). «Más de 1.300 desaparecidos, cuatro de ellos españoles, y 270 muertos en la brutal riada entre Nepal y Tíbet» El Diario Vasco (kontsulta data: 2026-08-27).

[2] ttps://www.reuters.com/business/environment/nepal-flash-flood-washes-away-villages-project-sites-near-tibet-border-2026-08-26/

[#1-3] 1 2 3 «Gutxienez 270 dira uholdeengatik hildakoak Nepalen eta Tibeten, eta 1.400 inguru desagertuak» Berria 2026-08-27 (kontsulta data: 2026-08-27).

[1]

[2]

[3]