Nevadako egunak

Wikipedia, Entziklopedia askea
Jump to navigation Jump to search
Nevadako egunak
Datuak
Idazlea Bernardo Atxaga
Argitaratze-data 2013
Generoa Eleberria
Jatorrizko izenburua Nevadako egunak
Argitaletxea Pamiela
Herrialdea  Euskal Herria
Bilduma Pamiela Kondagintza
Orrialdeak 439
Sariak Euskadi saria - Euskarazko literatura 2014an

Nevadako egunak Bernardo Atxagaren liburua 2013. urtean kaleratu zuten. Sailkatzeko garaian ez da liburu erraza: hasiera batean idazleak bere familiarekin 2007ko abuztutik 2008ko ekainera Estatu Batuetako Nevadako Reno hirian emandako urteen kronika ematen badu, laster hari hori oroimenekin eta mota guztietako beste elementuekin nahastu egiten da. Planteamendu horrek, material desberdinen konbinaketa, Obabakoak liburua gogorarazten du. Bidaia-liburua, egunerokoa, pasadizoen eta gertaeren bilduma, guztiak 150 pieza, "bukaeran nobela" bezala definitu egiten da liburuaren atzeko-azalean.

2014an Euskadi Literatura Saria, euskarazko literatura modalitatean, irabazi zuen. Epaimahaikoen hitzetan, "hitzaren magia dario Bernardo Atxagaren prosari liburu honetan".[1]

Egitura eta edukiak[aldatu | aldatu iturburu kodea]

Reno, Nevada photo D Ramey Logan.jpg

Oharra: Atal honek istorio osoa edo amaiera argitzen du.

Liburuak hiru atal bereizi ditu:

  • Berez Nevadako egunak atala non Ipar Ameriketan igarotako hilabeteen kronika topatuko dugun. Atal honetan, lehen aipatu den bezala, eduki desberdinetako gertaerak, deskripzioak eta narrazioak biltzen dira. Hauek izan daitezke nagusiak:
    • Egilearen nerabetasunaren oroimenak, bereziki ikastetxearen ingurukoak.
    • Basamortuan eta Renon zeharreko joan-etorriak.
    • Egilearen ametsak, oso literarioak.
    • Nevadarekin lotura zuzena duten historiak, beste beste, Paulino Uzkudun boxeolariarena, Steve Fosset abenturazalearen desagerpena, Barak Obamaren kanpaina Nevadan...
    • Hiltzaile baten inguruko jarraipen polizialaren historia. Hiltzaile horren gorabeherek nolabaiteko tentsioa sortzen du kronikan, horrek eta hark eragindako krimenak Renoko jendartean sortzen dituen kezkak eta beldurrak. Hiltzailea idazlearen familiaren inguruan mugitzen da eta zenbait momentutan haren zirkuluko kidea izan daitekeela ematen du.
  • "Azken pieza" izenburukoa non egileak bere amaren inguruko hileta-elizkizunak Asteasun narratzen dituen (403-434 or.). Aurreko atalean behin baino gehiagotan idazleak amaren erreferentziak jaso ditu eta harekin izandako telefono bidezko elkarrizketak; hori da atal honek aurrekoarekin duen lotura bakarra zeren eta orrialdeotan ez baitugu Nevadaren inguruko daturik aurkituko.
  • "Albisteak" atala non egileak, Reno Gazette Journal egunkarian jasotako berrien bitartez, lehenengo atalean argitu gabe gelditu diren informazioak burutzen dituen (435-439 or.).

Itzulpenak[aldatu | aldatu iturburu kodea]

  • (Ingelesez): Nevada Days. Margaret Jull Costa, itz. MacLehose Press Editions, 2018 [2]

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]