New Yorkeko burtsa

Wikipedia(e)tik
Hona jo: nabigazioa, Bilatu

New Yorkeko burtsa (New York Stock Exchange (NYSE ingelesezko siglez)) munduko balio merkaturik handiena da txanpon bolumenean eta lehena bertan kotizatzen duten enpresa kopuruari dagokionez. Bere bolumena akzioetan NASDAQekoak gainditu zuen 1990eko hamarkadan, baina NYSEn zerrendatutako konpainien kapitala NASDAQean baino bost aldiz handiagoa da. New Yorkeko burtsak, urtero 21 mila milioi dolarreko trantsakzio bolumen bat du, konpainia ez estatubatuarren 7,1 bilioiak barne.

Bere aurrekariak 1792an daude, New Yorkeko 24 merkatari eta korredorek "Buttonwood Agreement" bezala ezagutu zen akordioa sinatu zutenean, non akzioekin komertziatzeko arauak ezartzen ziren.

NYC NYSE.jpg

1817an sortu zen burtsa korredore talde bat "New York Stock and Exchange Board" (NYS&EB) izeneko batzorde bat sortu zuenean garai haietan modu askean eta nagusiki Wall Streeten negoziatzen zen akzio fluxua kontrolatzeko asmoz.

1863an bere izena New York Stock Exchangegatik (NYSE) aldatu zuen, egundaino mantentzen duena, eta Wall Streeten, Broad Streetekin izkina eginez ezartzen da bi urte beranduago.

1918an, Lehen Mundu Gerraren ondoren, munduko lehen burtsagunea bihurtu zen, Londresko burtsa atzean utziz.

1929ko urriak 24 izan zen ostegunean, ordutik aurrera Ostegun Beltza deitua izan zena, burtsa honetan erorketarik handienetako bat gertatu zen, XX. mendeko AEBetako atzerakada ekonomikorik handi eta garrantzitsuena eragingo zuena, Depresio Handia deitua.

Gaur egun NYSE Groupek administratzen du, NYSE eta Archipielago Holdingsen elkartzetik sortu zena, azken hau balioen burtsa elektroniko bat. NYSE Groupek, gaur egun, bere burtsa propioan kotizatzen du.

2007an Euronext europar burtsarekin NYSE Euronext sortu zuen.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: New Yorkeko burtsa Aldatu lotura Wikidatan