Ni una menos

Wikipedia, Entziklopedia askea
Jump to navigation Jump to search

Ni una menos (euskaraz: Ezta [emakume] bat gutxiago ere) 2015ean Argentinan sortu zen emakumeenganako indarkeria eta feminizidioaren aurkako mugimendu eta kolektibo feminista bati izena eman zion aldarria da.

Lehen ezta bat gutxiago ere ibilaldia 2015eko ekainaren 3an egin zen Argentinako 80 hiritan. Urte bat geroago, ekainaren 3an eta urriaren 19an, manifestazioak egin ziren. 2016 urtera arte, batez beste, 30 orduero emakume-hilketa bat gertatzen zen Argentinan 2017an, ordea, feminizidio-kasuak ugaritu ziren eta batezbestekoa 18 ordura jaitsi zen. Ondorioz, 2017an berriro kale-agerraldiak antolatu eta inoiz baino pertsona gehiagok parte hartu zuten.

Mugimendua Argentinatik inguruko beste herrialdetara zabaldu zen. Uruguaira 2015eko ekainaren 3an, Ekuadorrera 2015eko uztailaren 30ean, Perura 2016ko abuztuaren 13an, Kolonbiara 2016ko abuztuaren 19an, Txilera 2016ko urriaren 21ean, Venezuelara 2016ko urriaren 19an, Paraguaira 2017ko abenduaren 20ra, Boliviara 2016ko urriaren 18an, eta azkenik Espainiara eta Italiara 2018ko martxoaren 8an 2018ko Emakumeen Nazioarteko Grebarekin batera gertatuz.

Kanpo estekak[aldatu | aldatu iturburu kodea]