Nico Serrano

Nico Serrano
	; Irudi gehiago
Bizitza
Jaiotzako izen-deiturak	Nicolás Serrano Galdeano
Jaiotza	Orkoien, 2003ko martxoaren 5a (22 urte)
Herrialdea	Nafarroa Garaia, Euskal Herria
Familia
Familia	ikusi Sofía Suescun (lehengusu);
Hezkuntza
Hizkuntzak	gaztelania
Jarduerak
Jarduerak	futbolaria
Ibilbidea
Posizio edo espezialitatea	aurrelaria
Lateralitatea	ezkertia
Altuera	1,78 metro
Izengoitia(k)	Nico

Nicolás Serrano Galdeano, Nico Serrano deituraz ezaguna (Orkoien, Nafarroa Garaia, 2003ko martxoaren 5a), futbolaria da. Hegaleko ezkertzat jokatzen du, Gijongo Sporting taldean, Athletic klubak lagata.^[1]

Kirol ibilbidea

Hasierak, Iruñean eta Vila-realen

Orkoienen jaioa, 2009an hasi zuen bere futbol ibilbidea CD Pamplona taldean (Athleticekin afiliatutako talde bat). UDC Txantrean jarraitu zuen bere ibilbidea eta, 2012an, CA Osasuna gazte taldean sartu zen. Han Nico Williamsekin batera aritu zen, bere lehen denboraldian. 2015eko udan, Vila-real taldearen akademiara joan zen, eta han jokalaritzat nabarmendu zen.

Lezamara iritsi eta Athleticekin debuta

2018ko abuztuan fitxatu zuen Athleticek, 300.000 euro ordainduta, kadete adina zuen arren gazte kategoriako taldean sartzeko. Gazte taldean bere lehen kanpainan 22 gol sartu zituen; bigarren denboraldian, berriz, hamalau gol sartu zituen. Horrez gain, 2020ko uztailean, Bilbao Athleticekin debuta egin zuen, CD Badajozen aurka, igotzeko kanporaketako partidan. 2020/2021 denboraldian, Bilbao Athleticen titular gisa finkatu zen, eta nabarmentzekoa da CD Tudelanoren aurka bi gol sartu zituela; horietako bat, zelai erditik jaurtita.

2021eko udan, Marcelino García Toralek zuzentzen zuen lehen taldearekin entrenatzeko aukeratutako bost jokalarietako bat izan zen. Abuztuaren 29an, Bilbao Athleticen Lehen Federazioa mailako lehen gola sartu zuen, Zamora CF taldearen aurka (0-1). Ligan titular gisa estreinatu zen, Rayo Vallecanoren aurka 0-1 irabazita. Talde horrek Vallecasko estadioan denboraldi horretan galdutako lehen partida izan zen.

Lagapenak

2022ko abuztuaren 11n, Bigarren Mailako CD Mirandésera joan zen, denboraldi baterako lagata. Titular gisa hasi ondoren, taldean garrantzia galduz joan zen, azaroan orkatilan izandako lesio baten ondorioz. Izan ere, lesio hori izan zuenetik, beste hiru partida besterik ez zuen jokatu.

2023ko abuztuaren 10ean, Athleticekin beste bi urterako berritu ostean, Eredivisieko PEC Zwolle taldera joan zen, denboraldi baterako lagata. 2024ko urtarrilaren 12an, gutxi jokatzen ari zela eta, Bigarren Mailako Racing de Ferrolera joan zen lagata. Urtarrilaren 28an, Ferrolgo taldearekin jokatu zuen bigarren partidan, lesioa izan zuen sorbaldan, eta bajan izan zen hilabetez. Martxoaren 17an, hirugarrenez titular jokatzen ari zela, Real Valladoliden aurkako garaipenean gol bat sartu zuen (2-0). Bi aste geroago, Elxen aurkako partidako gol bakarra sartu zuen (1-0). Apirilaren 14an, urrutiko jaurtiketa batekin, Huescaren aurka garaipeneko gola sartu zuen (2-1). Hilabete baino gutxiagoan bere hirugarren gola sartuta, zaleen jokalaririk gogokoenetako bat bihurtu zen. Maiatzaren 11n, AD Alcorconen aurka garaipenaren gola sartu zuen. Hurrengo jardunaldian, Real Zaragozaren aurka, min hartu zuen, eta, gainera, ekainaren 5ean ebakuntza egin zioten ezker sorbaldan.

Athletic

Azaroaren 7an, Europa Leagueko garaipenaren gola sartu zuen Ludogorets taldearen aurka (1-2).

Gijongo Sporting

2025eko urtarrilaren 31n, Gijongo Real Sporting taldeak fitxatu zuen, maileguan.

Kirol ibilbidearen taula

2024ko ekainaren 5ean eguneratua. Datu ofizialak.

Taldea	Maila	Denboraldia	Liga		Kopa		Champions League		Europa League		Conference League		Superkopa		Denera
Taldea	Maila	Denboraldia	JP	G	JP	G	JP	G	JP	G	JP	G	JP	G	JP	G
Bilbao Athletic	2.B	2019/20	1	0	-	-	-	-	-	-			-	-	1	0
	2.B	2020/21	24	3	-	-	-	-	-	-			-	-	24	3
	1.F	2021/22	16	3	-	-	-	-	-	-	-	-	-	-	16	3
	Denera		41	6	-	-	-	-	-	-	-	-	-	-	41	6
Athletic	1.	2021/22	14	1	2	0	-	-	-	-	-	-	1	0	17	1
Athletic	Denera		14	1	2	0	-	-	-	-	-	-	1	0	17	1
Mirandes	2.	2022/23	16	0	0	0	-	-	-	-	-	-	-	-	16	0
Mirandes	Denera		16	0	0	0	-	-	-	-	-	-	-	-	16	0
Zwolle	1.	2023/24	10	0	1	0	-	-	-	-	-	-	-	-	11	0
Zwolle	Denera		10	0	1	0	-	-	-	-	-	-	-	-	11	0
Racing Ferrol	2.	2023/24	14	4	-	-	-	-	-	-	-	-	-	-	14	4
Racing Ferrol	Denera		14	4	-	-	-	-	-	-	-	-	-	-	14	4
Athletic	1.	2024/25	4	0	2	0	-	-	3	1	-	-	1	0	10	1
Athletic	Denera		4	0	2	0	-	-	3	1	-	-	1	0	10	1
Sporting	2.	2024/25	-	-	-	-	-	-	-	-	-	-	-	-	-	-
Sporting	Denera		-	-	-	-	-	-	-	-	-	-	-	-	-	-
Ibilbide osoan			99	11	5	0	-	-	3	1	-	-	2	0	109	12