Office Open XML

Wikipedia, Entziklopedia askea
Jump to navigation Jump to search
OpenOffice.orgekin (Bulegotika-suite, Sun Microsystemsek eta komunitateak garatutako kode irekiko software librea) ez nahastu.


Office Open XML (OOXML edo Open XML izenez ere ezaguna) Microsoftek sortu eta garatutako dokumentu elektroniko formatu multzo bat da.

ECMA-376 arabera formatu multzo hori formatu irekia izateko baldintzak betetzen ditu.

2008. urtean bozketa baten ostean Office Open XML ISO/IEC DIS 29500 horren arabera ere formatu irekitzat hartu zen[1].

Bateragarritasuna[aldatu | aldatu iturburu kodea]

Kritikatu egin zaio Microsoft enpresari bulegoko paketeetan ez[2] dituela ISO/IEC DIS 29500 horren arabera formatu irekitzat jo diren formatuak lehenetsita eskaintzen. Gainera, kritikarien esanetan, erabiltzaileek horrelako formatuak ez erabiltzeko arrazoiak eskaintzen dira behin eta berriro gordetzerakoan: "formatu horretan gordetzen baduzu informazioaren zati bat gal liteke". Txarrena da benetan galera batzuk (metadatuetan, grafikoetan, kapsulatutako objektuetan-eta), sor daitezkeela[3][4].

Microsoft Office bulegoko paketeak eskaintzen duen XML formatu ireki hertsia

Microsoft Office bulegoko paketeetan badago, esate baterako .docx luzapenarekin gordetzeko aukera bat baino gehiago[5]. Euskaratzaileek "XML formatu ireki hertsia" adierazpena erabili izan dute dauden aukeren artean ustez formatu irekia[6] den hori euskaraz izendatzeko.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Office Open XML Aldatu lotura Wikidatan

Ikus, gainera[aldatu | aldatu iturburu kodea]