Geltokia guztiz iristezina da Mugikortasun Urriko Pertsonentzat, geltokira zein nasetara sarbideak eskailera bidez baino ez daudelako komunikatuta. Arartekoak argitaratutako irisgarritasuna eta garrioaren ikerketa-diagnosiaren arabera, «Mugikortasun Urriko Pertsona erabiltzaileak ezin du modu autonomoan nasa eta unitate mugikorraren plataformaren arteko desnibela libratu, nasaren muturretik trenaren plataformara arteko tartea handiegia baita», eta «Burdinbide zerbitzuen eragileak ez dio Mugikortasun Urriko Pertsona erabiltzaileari bermatzen ibilgailutik igo edota jaistea.»[2]
Geltokia 1888komartxoaren 19an inauguratu zen, Bilbo-Santurtzi burdinbide tartea irekitzearekin batera, geroago Portugaletera helduko zen linean.[3] Lanak Bilbotik Portugaleterainoko Burdinbide Konpainiak egin zituen. 1889. urtean geltokiari Bizkaiko Foru Aldundiaren esku zegoen Trianoko Burdinbidea batu zitzaion, hasiera batean zamak garraiatzeko zena, eta geroago bidaiarientzako zerbitzua eskaintzen hasi zuena.[4]
Bi trenbide eta bi nasa ditu, bata albokoa eta bestea zentrala, eta gaur egun zentrala baino ez da erabiltzen. Trenbideen azpian, eskaileraz komunikatuta, bestibulu txikia dago. Bertan kokatzen dira txartel salmenta eta balioztatze makinak. Geltokiaren eraikina geltoki-etxea da eta ez du geltokira sarbide funtzioa egiten, bidaiarientzako itxita mantentzen baita.
Olabeaga
Bizkaia
Bilbo ↔ Santurtzi
Bilbo ↔ Muskiz
Bilbo — Santurtzi: 3,200 kilometro-puntua
San Nikolas Olabeaga kalea, 15
linearen zerbitzuek Abandoko Indalecio Prieto geltokia zuten helmugatzat.
Datuak: Q3497380
Multimedia: Olabeaga train station / Q3497380
