Oliver Knight

Oliver Knight
	; Irudi gehiago
Bizitza
Jaiotza	Bedford, 2001eko urtarrilaren 25a (25 urte)
Herrialdea	Erresuma Batua
Jarduerak
Jarduerak	txirrindularia
Ibilbidea
Taldeak	Urteak
AVC Aix-en-Provence	2020-2022ko uztailaren 31
UAE Team Emirates (ikaslea)	2022ko abuztuaren 1a-2022ko abenduaren 31
AVC Aix-en-Provence	2023ko urtarrilaren 1a-2023ko uztailaren 31
Cofidis (ikaslea)	2023ko abuztuaren 1a-2023ko abenduaren 31
Cofidis	2024-
	Parte-hartzailea 2022 UCI World Ranking (en) (2.511.); UCI Europe Tour 2022 (1.535.); 2023 UCI World Ranking (en) (1.697.); 2024ko UCI Munduko Sailkapena (2.168.); 2025eko UCI Munduko Sailkapena (365.); 2025 UCI Europe Tour (304.) ;

Oliver Knight, (Bedford, Ingalaterra, 2001eko urtarrilaren 25a) txirrindulari britainiarra da, profesionala Cofidis taldean.

Kirol ibilbidea

Junior mailan (17/18 urte), HMT Hospitals-Giant taldean aritu zen eta 2019an, Iruñerriko Itzuliko etapa bat irabazi zuen eta bigarren sailkatu zen Bizkaiko Itzulian, Carlos Rodríguez eta Juan Ayusoren artean. 2020an eta 2021ean, Frantziako AVC Aix-en-Provence talde amateurrean ibili zen^[1] eta Nafarroako Itzuliko etapa bat lortu zuen. 2022an, “stagiaire” moduan aritu zen UAE Team Emirates taldean^[2] eta 2022ko Burgosko Itzulian parte hartu zuen. 2023ko denboraldian, amateurretan berriro ere, Nafarroa Behereko Itzulia, Essor basque eta Tour de Côte d'Orreko etapa bat irabazi zuen. Urte horren bigarren erdian, Cofidis taldean “stagiaire” aritu zen.

Azkenik, 2024an profesionaletara pasatu zen Cofidis taldean^[3].

Profesionaletako lehenbiziko denboraldian ez zen nabarmendu, baina 2025ean hobera jo zuen eta ekainean Erresuma Batuko erlojupeko txapelketan brontzezko domina lortu zuen, hilabete bat geroago Valoniako Tourreko etapa bat lortu zuen eta sailkapen orokorreko hirugarren postuan amaitu zen. Horren ondorioz, Cofidis taldeak bi urterako berritu zion kontratua.