Omero Antonutti

Omero Antonutti
	; Irudi gehiago
Bizitza
Jaiotza	Basiliano, 1935eko abuztuaren 3a
Herrialdea	Italiako Erresuma ; Italia
Heriotza	Udine, 2019ko azaroaren 5a (84 urte)
Heriotza modua	berezko heriotza: minbizia
Hezkuntza
Hizkuntzak	italiera
Jarduerak
Jarduerak	bikoizlea, antzerki aktorea, zinema aktorea eta telebista-aktorea

Omero Antonutti (Basiliano, Italia, 1935eko abuztuaren 3a - Udine, 2019ko azaroaren 5a) italiar antzezlea izan zen.

Biografia[aldatu | aldatu iturburu kodea]

Triesteko Arte Dramatikoko Akademian egin zituen ikasketak. Antzerkiko aktore gisa lan egin zuen zenbait urtez, Triesten eta Genovan, batik bat. Taviani anaiek eman zioten famatu egiteko aukera, Padre Padrone (1977) filmean aitaren papera eman ziotenean. Garrantzitsuak izan ziren Taviani anaiak Antonuttiren karreran, eta, lehen aipatuaz gainera, La notte di San Lorenzo (1982), Kaos (1984) filmeko Colloquio con la madre pasartea —Luigi Pirandelloren papera eginez— eta Good Morning Babilonia (1986, Estatu Batuetan) egin zituen haiekin. Espainiar zuzendariekin ere film asko egin zituen, La verdad sobre el caso Savolta (1979) —Antonio Drove zuzendariarekin—, Victor Erizeren El Sur (1982), Carlos Sauraren El Dorado (1987) —Lope Agirre euskal ameslariaren papera eginez—, Andrés Linaresen Doblones de a ocho (1989) —film gaitzetsia eta interesgarria—, Pedro Olearen El maestro de esgrima (1992), Gracia Querejetaren Una estación de paso (1992), eta Jaime de Armiñánen 14, Fabian Road (2008).

Baliabide urrirekin interpretazioaren erregistro aberatsenak ematen zekien antzezlea zen. Telebistan ere lan egin zuen, eta baita bikoiztaile gisa ere.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q970863
Multimedia: Omero Antonutti / Q970863