Ostalari

Wikipedia(e)tik
Hona jo: nabigazioa, Bilatu

Biologian, ostalaria bizkarroia hartzen duen biziduna da. Hitzaren esanahia nahasia da, hizkuntza arruntean ostalaria ostatu hartzen duena baita, ez ostatu ematen duena. Nahasmen hori hitzaren jatorrian dago, latinez hospes hitzak bi esanahi kontraesankorrak baititu: ostatu eman zein ostatu hartzen duena.

Parasitismoan ez ezik, komentsalismoan ere ostalari bat dago. Bi espezien arteko azken harreman honetan ostalariaren gain bizi da komentsala, harreman horretatik onura gehien ateratzen duena; komentsalismoan, baina, ostalariak ez du kalterik jasotzen harreman horretatik.

Parasitismoan, aldiz, bizkarroia ostalariaren gainean bizitzeaz gain kalte eragiten dio ostatu ematen dionari.

Ostalariaren adibide batzuk aipa daitezke:

  • zelula bat birus baten ostalaria izan daiteke (harreman parasitarioa)
  • gizakia hesteetako flora mikrobiarraren ostalaria izan daiteke (komentsalismoa)
  • belaki bat krustazeo txikien ostalaria izan daiteke (komentsalismoa)
  • gizakia tenia platelmitoaren ostalaria izan daiteke (parasitismoa)