Ousmane Dembélé

Ousmane Dembélé
(2018) Irudi gehiago
Bizitza
Jaiotzako izen-deiturak	Masour Ousmane Dembélé
Jaiotza	Vernon, 1997ko maiatzaren 15a (26 urte)
Herrialdea	Frantzia Mauritania Senegal
Lehen hizkuntza	frantsesa
Hezkuntza
Hizkuntzak	frantsesa
Jarduerak
Jarduerak	futbolaria
Ibilbidea Taldeak Urteak J G France national under-17 association football team 2013 / 2014 8 4 France national under-18 association football team 2014 / 2015 5 3 Stade rennais football club 2015 / 2016 26 12 France national under-19 association football team 2015 / 2015 3 1 France national under-21 association football team 2016 / 2016 6 2 Frantziako futbol selekzio nazionala 2016 / ezezaguna 35 4 Borussia Dortmund 2016 / 2017 32 6 Bartzelona Futbol Kluba 2017 / 2023ko abuztuaren 11 363 56 Paris Saint-Germain 2023ko abuztuaren 11 / 22 1
Parte-hartzailea 2018ko Munduko Futbol Txapelketa UEFA Euro 2020 2022ko Munduko Futbol Txapelketa
Posizio edo espezialitatea	aurrelaria
Kirol zenbakia	10 7
Pisua	67 kilogramo
Altuera	179 zentimetro
Jasotako sariak	ikusi Ohorezko Legioko zalduna  (2018ko abenduaren 31)

Mansour Ousmane Dembélé (Vernon (Eure), Frantzia, 1997ko maiatzaren 15a) futbol munduan Dembélé deitura soilaz ezaguna, Bartzelona Futbol Klubean eskuin edo ezker hegaleko gisa jokatzen futbol jokalari frantziarra da.

Gainera, Frantziako selekzio nazionalarekin jokatzen du 2016tik, eta berarekin 2018ko Errusiako Munduko Txapelketa irabazi zuen.

Bizitza pribatua

Bere aita Malikoa da, eta bere amak bere ama frantziarra. Halere, amak Mauritaniako eta Senegalgo nazionalitatea ere baditu bere jatorriarengatik. Islam erlijioa praktikatzen du.

Ibilbidea

Stade Rennais

Bere ibilbidea Évreux eta Rennes taldeetako harrobian hasi zen, 2010ean batetik bestera igaroz. 2014-2015 denboraldian Renneseko bigarren taldera iritsi zen eta denboraldi horretan 22 partidu jokatu eta 13 gol sartu zituen.

2015-2016

Hurrengo denboraldian, lehen taldearekin Ligue 1 txapelketan debuta egin zuen, eta 26 partidutan 12 gol sartu zituen.

Borussia Dortmund

Frantzian egin zuen denboraldi onak 2016ko udan Borussia Dortmund taldeak bera fitxatzea eragin zuen. Talde alemaniarrak 15 milioi euro ordaindu zituen. Han denboraldi bakarra igaro zuen Espainiako Ligara joan aurretik.

2016-2017

Txapelketa guztien artean 50 partidu jokatu zituen, eta 10 gol sartu; "dribling" ederrak eta asistentzia politak ere erakutsiz (22). Denboraldian zehar bere maila hobetuz joan zen, Thomas Tuchelek zuzenduta taldeko jokalari onena eta denboraldi horretako Bundesligako jokalari onenetarikoa bihurtu arte.

Bartzelona Futbol Kluba

2017ko udan, Neymarren hutsunearen aurrean Bartzelonak fitxatu zuen eta laugarren denboraldia du han. Denera 130 milioi euro ordaindu zituen talde kataluniarrak, momentu hartan bere historiako fitxaketa garestiena bihurtu zelarik. 5 urteko kontratua sinatu zuen.

Dembélé Bartzelonarekin partidu batean.

2017-2018

Lehenengoan zailtasun batzuk izan zituen. Halere, denboraldiaren bukaeran zifrak pixka bat txukundu zituen. Min hartuta egotearen ondorioz ere hainbat partidu galdu zituen, denera 24 partidu besterik ez zituen jokatu. Haietan 4 gol sartu zituen, eta 9 asistentzia banatu.

2018-2019

Bigarrenean berriz, bere bertsio onena azaldu zuen. Lesioek errespetatu egin zuten, eta 42 partidu jokatzera heldu zen. Aurreko denboraldiko zifrak asko hobetu zituen, 14 gol sartuz. Halere, klubarekin arazoak izan zituen; izan ere, entrenamendu batera berandu heltzeagatik 100.000 euroko zigorra jarri zioten, eta honek polemika sortu zuen.

2019-2020

Hurrengo denboraldia berriz, bere ibilbide profesionaleko okerrena izan zen, lesioek berriz ere ez baitzioten 9 partidu besterik jokatzen utzi. 492 minutu bakarrik jokatu zituen, gol bat sartuz.

Estatistikak

2021eko ekainaren 1ean eguneratua.

Kluba	Herrialdea	Urtea(k)	Partida(k)	Gola(k)	Asistentzia(k)
Rennes	Frantzia	2015-2016	29	12	5
Borussia Dortmund	Alemania	2016-2017	50	10	22
Bartzelona Futbol Kluba	Katalunia	2017-	118	30	21

Selekzio nazionala

2016an debutatu zuenetik, eta hainbat azpi-kategoriatan jokatu ondoren, 21 partidu jokatu ditu absulutuarekin, 2 gol sartuz.

Kanpo estekak

• Datuak: Q20851003
• Multimedia: Ousmane Dembélé / Q20851003