Ousmane Sembène

Wikipedia, Entziklopedia askea
Jump to navigation Jump to search
Ousmane Sembène
Ousmane Sembène (1987) by Guenter Prust.jpg
Bizitza
Jaiotza Ziguinchor eta Casamance1923ko urtarrilaren  1a
Herrialdea  Senegal
Heriotza Dakar2007ko ekainaren  9a (84 urte)
Hezkuntza
Hizkuntzak frantsesa
Jarduerak
Jarduerak idazlea, zinema zuzendaria, zinema ekoizlea, aktorea, antzerkigilea, gidoilaria, zamaketaria, zinemalaria eta militante politikoa
Lan nabarmenak God's Bits of Wood Itzuli
Black Girl Itzuli
Mandabi Itzuli
Xala Itzuli
Ceddo Itzuli
Moolaadé Itzuli
Borom Sarret Itzuli
Jasotako sariak
Zerbitzu militarra
Adar militarra Senegalese Tirailleur Itzuli
Sinesmenak eta ideologia
Alderdi politikoa Frantziako Alderdi Komunista
IMDb nm0783733

Ousmane Sembène (Ziguinchor, Casamance, Senegal, 1923ko urtarrilaren 1a - Dakar, Senegal, 2007ko ekainaren 9a), senegaldar idazlea eta zinemagilea izan zen.

Biografia[aldatu | aldatu iturburu kodea]

Arrantzale, igeltsero eta zamaketari aritu zen Marseillan, eta lanbide horietan bere eleberrietarako gai izango zen lan-esperientzia eta militantismo sindikala hartu zuen.

Le Docker noir (1956, "Zamaketari beltza") etorkinen lan- eta bizi-baldintzak deskribatzen dituen lehenengo eleberrietako bat da. Ô pays, mon beau peuple (1957, "O herrialde, nire herri ederra") eleberrian gudari zahar batek, bere emazte frantsesarekin, bere herrialdera egiten duen itzulera eta bizi dituen arazoak aztertzen ditu. Bouts de bois de Dieu (1960, "Jainkoaren egur zatiak") da Sembèneren maisulana. Bertan, Dakar-Bamakoko burdinbideetako langileen greba kontatzen du.

Ondoren, kontakizun-bildumak argitaratu zituen, erregimen berrien kritika politikoaren bidetik idatziak: Voltaïque (1962), Véhi Ciosane et Le Mandat (1965, "Véhi Ciosane eta Agintaldia"). 1973an, Xala eleberri sinboliko eta ironiko laburra idatzi zuen. Le Dernier de l'Empire (1981, "Azken inperioa") lanean, berriz, agintariek deskolonizazioaren herentzia onartzeko duten ezintasuna salatzen du.

Zinemagile gisa, bere herrialdearen errealitateak erakusten ditu: Borom Sarret (1963), La Noire de...; (1966, "...ren beltza"), Emitaï (1970), Ceddo (1977). 1992an Guelwaar egin zuen, Afrikako kaos morala eta politikoa erakusten duen panfleto gogorra.

Erreferentziak[aldatu | aldatu iturburu kodea]