Pablo Zelaya Sierra
| Pablo Zelaya Sierra | |
|---|---|
| Bizitza | |
| Jaiotzako izen-deiturak | Pablo Zelaya Sierra |
| Jaiotza | Tegucigalpa, 1896ko urriaren 30a |
| Herrialdea |  Honduras |
| Heriotza | Ojojona, 1933 (36/37 urte) |
| Jarduerak | |
| Jarduerak | margolaria |
Pablo Zelaya Sierra (Ojojona, 1896ko urriaren 30a – Tegucigalpa, 1933) nazioarteko ospea zuen margolari hondurastarra izan zen. Hondurasko Artearen Sari Nazional gorenak bere izena darama.
Biografia
[aldatu | aldatu iturburu kodea]Francisco Morazán departamenduan jaioa, Felipe Zelaya eta Isabel Sierraren semea. Costa Ricako errepublikako Arte Ederren Eskolan ikasi zuen, 1918tik 1919ra bitartean, herrialde hartako Eskola Normalean Marrazketa klasea eskaintzen zuen bitartean.
1920an Madrilera joan zen, eta han ikasi zuen -Hondurasen Espainiako lankidetzaren beka bati esker- San Fernandoko Arte Ederren Errege Akademian, Manuel Benedito eta Daniel Vázquez Díazen ikaslea zelarik. 1932ra arte egon zen Europan, eta garai hartan ekitaldi hauetan parte hartu zuen:
- Parisko Erakusketa Nazionala, 1922)
- Udazkeneko Aretoa (Paris, 1924)
- Artista Iberikoen Elkartearen erakusketa (Paris, 1925)
- Independenteen Aretoa (Paris, 1924)
- Heraldo de Madrid Aretoa (1930)
- Erakusketa kolektiboa Madrilgo Ateneoan (1932).
"Apuntes con Lápiz" (1932) manifestuaren egilea ere bada, Hondurasko kulturan oinarrizkoa den dokumentua, eta Zelaya Sierra haren sustatzaile nagusietako bat dela esan daiteke. “Baldintza estetikoa nukleo grabitazional gisa” onartuta, Zelaya Sierrak ez zuen arazorik aurkitu errealitate sozialean geratzeko, bai ohituran eta baita historian ere. Bere ikonografia 1932an itxiko da "Anaiak Anaien aurka" lanarekin, une hartan herrialdea definitu zuten hainbeste "barne gerretako" batek sortutako espantu irudiak min handiz islatzen dituena.
36 urte besterik ez zituela, San Felipe Ospitalera eraman zuten, eta garuneko isuri baten ondorioz hil zen.
Omenaldiak
[aldatu | aldatu iturburu kodea]- Hondurasko Artearen Sari Nazionalak izena darama bere omenez.
- 1991n, Tegucigalpako Espainiako Kultur Zentroak Hondurasko Arte Plastikoen eta Ikusizkoen II. Antologia eskaini zion “Pablo Zelaya Sierra”ri.
- 2024an, Biltzar Nazionalak "Aberriaren Benemeritua" titulua eman zion.
Erreferentziak
[aldatu | aldatu iturburu kodea]Bibliografia
[aldatu | aldatu iturburu kodea]- Martinez, Jose Francisco. ”Literatura hondureña y su proceso generacional.” Ediciones Nueva Universidad, Número 28 de Colección Letras hondureñas. Hondurasko Unibertsitate Nazional Autonomoa, Editorial Universitaria. 1987.
