Palas (mitologia)

Wikipedia(e)tik
Hona jo: nabigazioa, Bilatu

Greziar mitologian, Palas (grezieraz Παλλάς), Krio eta Euribiaren semea eta Estigiaren senarra zen. Zelo, Nike, Kratos eta Biaren aita izan zen (batzuetan, esaten denez, baita Eos eta Selenerena ere). Palas, jakinduriaren jainkoa zen.

Palas, Atenearen epitetoa ere bazen, batzuetan, hau, haren alaba izan zela uste delarik. Istorio batean, Palas Atenea bortxatzen saiatu zen, baina jainkosak hil egin zuen, eta Palasen larruarekin, halakret bat egin zuen, Egida.

Bere zaldiaren izena, Eson zen.

Beste bertsio batean, Palas Atenearen jolas laguna zen, Triton jainkoaren alaba bat. Egun batean, Palas eta Atenea boxeoan ari zirenean, Zeus euren artean agertu zen egidarekin, eta Palasek, izututa, ezin izan zuen Atenearen kolpe bat saihestu. Ateneak hil egin zuen, eta, dolumin seinale bezala, Palasen irudia zuen estatua bat zizelkatu zuen, Paladioa, eta bere izena jaso zuen.