Pararge aegeria

Pararge aegeria
	Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Nymphalidae
Leinua	Satyrini
Generoa	Pararge
Espeziea	Pararge aegeria; Linnaeus, 1758
Datu orokorrak
Ostalaria	Alka-belar, Brachypodium sylvaticum, Holcus lanatus, Askimotz, Melica nutans, Agropyron, Hordeum, Poa annua, Larre-olo, Oryzopsis miliacea, Poa trivialis eta Melica uniflora

Pararge aegeria Nymphalidae familiako tximeleta espezie bat da. Eskualde paleartikoko basoetako mugetan aurkitu ohi den espeziea da^[1]. Hainbat subespezie ditu, eta bakoitzak dituen koloreak desberdinak dira. Atzealdeko kolorea marroitik laranjara doa, eta dituen pinportak horiak, zuriak edo laranjak izan ohi dira.

Hainbat landare belarkara jaten ditu. Arrek lurralde defentsa edo patruila egin ohi dute, bata edo bestea, egoera ekologikoaren arabera aldatzen den portaera^[2]^[3]. Emeek aukeratzen dute zein portaera duen arrarekin ernalduko diren^[4].

Deskribapena

Gainaldea marroi kolorekoa, makula laranja-koloreak, ozelo bat muturrean eta ozelo sorta bat atzeko posdiskalean. Azpialdeak kolorazio marroia du, trazu oso ahulekin atzeko hegaletan; ozeloek gainaldeko kokapen bera dute.^[5]

Biologia

Hilabete beroetan ondoz ondoko hiru belaunaldi ditu. Helduak martxo-azaro bitartean ikus daitezke.

Landare elikagarriak

Beldarrak zenbait genero belarkaraz elikatzen dira, Carex, Agrostis, Avena, Arrhenatherum, Brachypodium, Calamagrostis, Dactylis, Deschampsia, Elytrigia, Festuca, Glyceria eta Holcus adibidez.

Habitata

Tximeleta hau beti tamaina bateko zuhaitz edo zuhaixken babesean aurkitzen da, honen itzalpean gordetzen baita. Ia edozein garaieratan ikus daiteke, nahiz eta hezetasun apur bat beharrezkoa duen.

Banaketa eremua

Afrikako iparraldetik, Europa gehienean zehar, Asia Txiki eta Uraletaraino. Iberiar Penintsula eta Euskal Herri osoan zabaldurik dago.

Bizi-zikloa

Arrautzak belar- landare anfitrioietan uzten ditu. Beldarra berdea da, isats bikoitz txiki batekin, eta krisalida (pupa) berdea edo marroi iluna. Espezieak erabat bananduta dauden bi garapen-etapa desberdinetan jasan dezake negua, pupa-fasean zein erdi-hazitako larba-fasean. Abantaila honek urtean hainbat helduen hegaldiren eredu konplexua ematen dio.

Kontserbazioa

Gure lurraldeko ropalozero ohikoenetako bat da. Ia edozein leku eta garaitan ikus daiteke. Ez dago arriskuan.

Nola ezagutu?

Lasiommata megerarekin nahasten erraza da. Beste ezaugarri batzuen artean, atzeko hegaletan ertz uhindua eta azpialdeko diseinua ditu espezie honek bereizgarri, asken hori L. megerarenak baino askoz xumeagoa izanik.