Park Ji-hyun
| Park Ji-hyun | |
|---|---|
.jpg) | |
| Bizitza | |
| Jaiotza | Wonju (en)  , 1996ko martxoaren 29a (28 urte) |
| Herrialdea |  Hego Korea |
| Hezkuntza | |
| Heziketa | Hallym University (en) gradu Ewha Womans University (en) (2023 - |
| Jarduerak | |
| Jarduerak | politikaria, aktibista eta ikerketa kazetaria |
| Jasotako sariak | ikusi
|
| Kidetza | Q97231430 |
| Izengoitia(k) | 불 |
| Sinesmenak eta ideologia | |
| Alderdi politikoa |  Democratic Party of Korea (en) |
   | |
Park Ji-hyun (Koreeraz] 박지현, Wonju, Hego Korea, 1996ko martxoaren 29a) Hego Koreako aktibista politiko bat da, eta Koreako Alderdi Demokratikoko (DPK) buruzagi gaztea izana da, bertako alderdi liberal/ezkertiar nagusikoa.[1][2] 2019an, Hego Korean sexu jazarpeneko eskandalu bat (Nth Room delakoa) argitara ateratzen lagundu zuen.[3] 2022ko martxoan. Park Time aldizkariko TIME100 Next lider berrien zerrendan eta baita 2022ko BBC 100 Emakume zerrendan, sexu-abusu digitalen aurkako borrokan eta politikan genero-berdintasunaren aldeko borrokan egindako lana aitortu diotelarik.[3][4][5][2]
Abusuen kontrako aktibismoa[aldatu | aldatu iturburu kodea]
2018an, Park kazetaritza ikasten ari zen Hallym Unibertsitatean, eta ikasle-kazetari gisa ari zen lanean. #MeToo protestak Seulen hasi zirenean, alor jakin batean berezitu zen protesta egiten; Hego Korean emakumeen eta nesken legez kanpoko Internet bidezko filmazioak arazo larria dira.[1][6] Protestetan inspiratuta, berak eta Won Eun-ji lankideak artikulu bat aurkeztu nahi izan zuten Koreako Albiste Agentziako ikasleen urteroko kazetaritza-lehiaketarako.[6][7] Hasieran, Hego Koreako "spycam-epidemia"ri buruz idazteko asmoa izan zuten, non gizonek isilpean filmatzen baitituzte emakumeak eta haurrak, haien baimenik gabe.[7]
2019ko uztailean, Park eta Won Nth Room sarean infiltratu ziren, Telegram sare sozialaren bidez zebilen talde batean.[6][8] Neska gazteen irudiak lortzeko abusuen sistema bat zen, non irudi legez-kanpokoen zabalkundeaz gain, delitu gehigarria egiten den xantaia eginez biktimei (12 urteko neskak ere tartean) haien irudiak eta bideoak legez kanpo salduko direlako mehatxuaren pean.[6][8][9]
Anonimoki zabaldutako ikerketen ondorioz, erakundeek erreakzionatu zuten eta 2020 amaieraraino, 3.700 lagun baino gehiago atxilotu dituzte kasuan.
Ibilbide politikoa[aldatu | aldatu iturburu kodea]
Park-ek Lee Jae-myung DPK-ko buruzagia ezagutu zuen Gyeonggi probintziako gobernadore zenean.[6][1] 2022. urtearen hasieran publikoki agertu zen Park, hauteskunde nazionaletan DPK-ri eta Lee presidentegaiari laguntzea erabaki zuenean: hori izan zen unean non sexu-jazarpeneko bere ikerketetako identitatea publikoki jakinarazi zuenekoa. Leek kanpainan agindu zuen Interneteko sexu-jazarpena eta laneko sexismoa ere borrokatuko zituela. Era berean, Park gaztea DPK-ko Emakumearen Gaietarako Batzordeko lehendakariorde izendatu zuten.[6][9]
Hauteskundeetan, 2022ko martxoaren 9an, Lee-k People Power Party kontserbadoreko Yoon Suk-yeol-en konrera gutxi galdu zuen, baina 20-30 urte arteko emakumeen %58k Leeren alde bozkatu zuten, uste delarik Park-en partehartzea inportantea izan zela horretan.[9]
Hala ere, Parkek 2020an bertan egin zion uko alderdiko karguari, alderdiak erreformak bultzatzeko gogo gutxi zuela salatuz.[10] Kritikak ere jasan zituen Parkek, dena dela, esperientziarik ezagatik, sexu-jazarpenarekin lotutako kontuak politika lokalaren premien gainetik jartzeagatik eta ezagupen hankasartzeengatik:[6][10][6] adierazpen batzuetan nahastu zituen 21. mendeko Hego Koreako bi drama larri, 2002ko Yeongpyeongeko gatazka eta 2010eko Cheonan armadako ontziaren hondaratzea.[10]
Erreferentziak[aldatu | aldatu iturburu kodea]
- Artikulu hau, osorik edo zatiren batean, ingelesezko wikipediako «Park Ji-hyun (politician)» artikulutik itzulia izan da, 2023-02-04 data duen 1137488427 bertsioa oinarritzat hartuta. Sartze-datarik ez duten erreferentziak, edo 2023-02-04 baino lehenago datatuak, jatorrizko artikulutik ekarri dira itzulpenarekin batera.
- ↑ a b c Hangul: Bang, Jae-hyeok. (March 13, 2022). «96년생 박지현, 민주당 공동비대위원장 파격 발탁…이준석 대항마 될까» ChosunBiz. Aipuaren errorea: Invalid
<ref>tag; name ":3" defined multiple times with different content - ↑ a b Lee, Hae-rin. (December 9, 2022). «Anti-sex crime activist-turned-politician named in BBC 100 Women 2022 list» The Korea Times.
- ↑ a b «BBC 100 Women 2022: Who is on the list this year?» BBC News December 6, 2022.
- ↑ The Bloomberg 50. December 26, 2022.
- ↑ (Ingelesez) «Anti-sex crime activist-turned-politician named in BBC 100 Women 2022 list» koreatimes 2022-12-09.
- ↑ a b c d e f g h Cha, Sangmi. (May 29, 2022). «A 26-Year-Old Sex-Crime Fighter Dives Into South Korean Politics» Bloomberg.com. Aipuaren errorea: Invalid
<ref>tag; name ":4" defined multiple times with different content - ↑ a b Oaten, James. (December 30, 2022). «This student reporter infiltrated a 'cyber hell' where women and girls were sexually exploited, and helped catch the ringleaders» ABC News.
- ↑ a b Seo, Jungmin; Choi, Seoyoung. (December 2020). «Introduction» Journal of Asian Sociology 49 (4): 371–398..
- ↑ a b c Jung, Da-min. (March 14, 2022). «Ruling party seeks makeover after losing presidential election» The Korea Times Txantiloi:ProQuest.Page Modulu:Citation/CS1/styles.css has no content. Aipuaren errorea: Invalid
<ref>tag; name ":6" defined multiple times with different content - ↑ a b c Jung, Min-ho. (June 4, 2022). «How a young activist failed to reform the Democratic Party» The Korea Times.
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q111231177
Multimedia: Park Ji-hyun (politician) / Q111231177
