Patricia Urrutia

Patricia Urrutia
	;
Bizitza
Jaiotza	Bilbo, 1977ko abenduaren 26a (46 urte)
Herrialdea	Bizkaia, Euskal Herria
Hezkuntza
Hizkuntzak	euskara; gaztelania; ingelesa; frantsesa; greziera
Jarduerak
Jarduerak	aktorea
	patriciaurrutia.com

Patricia Urrutia Urieta (Bilbo, Bizkaia, 1977ko abenduaren 26a) bizkaitar aktorea eta antzerkigilea da.^[1] Antzezle ikasketak egin ditu Londresen Philipe Gaulierrekin eta Madrilen Mar Navarrorekin. Bere prestakuntza Mick Bahrnfather, Marcello Magni, Tappa Sudana, Will Keen eta Andrés Limarekin egindako ikastaroek osatzen dute. Musika eta biolin ikasketak egin ditu. Euskal Herriko Unibertsitatean Filologia Klasikoan lizentziatua da. Euskaraz eta gaztelaniaz gain, ingelesez, frantsesez eta greziera modernoz hitz egiten du.

Ibilbide profesionala[aldatu | aldatu iturburu kodea]

Antzerki konpainia ezberdinekin kolaboratu du aktore eta zuzendari gisa. Bost urtez bizi izan zen Bogotan eta han inprobisazioari eta pailazoei eskainitako antzerki konpainia bat sortu zuen. Konpainia horrekin Europa eta Amerikako hainbat jaialditara gonbidatu zuten. Aktore, inprobisazio eta clown ikastaroak eman ditu Italian, Belgikan, Kolonbian, Herbehereetan, Frantzian eta Espainian.

Telebistarako, zinemarako eta antzerkirako hainbat ekoizpenetan parte hartu du. Bere azken lanen artean aipatzekoak dira Godoten esperoan Pablo Ibarluzearen zuzendaritzapean, Orquesta de Señoritas^[2] Ramón Barearen zuzendaritzapean. Artedrama, Petit Théâtre de pain eta Dejabu antzerki taldeen arteko hirugarren produkzioa izan zen eta 2017an Donostia Saria jaso zuen Francoren bilobari gutuna^[3] antzeslaneko aktore zerrendan egon zen Ximun Fuschen zuzendaritzapean baita Pablo Ibarluzearen Lapur Minak^[4] antzeslanean eta, Ander Lipusekin batera, Manex Fuschek zuzendutako Hozkailua lanean

Filmografia[aldatu | aldatu iturburu kodea]

Telebista[aldatu | aldatu iturburu kodea]

Urtea	Telesaila	Pertsonaia	Oharrak
2022-2023	Ene!flix		Hiru atal
2022-2023	Irabazi arte	Ane Aranburu
2020	Alardea	Izaskun
2017-2019	La que se avecina	Olga	2 ataletan
2018	La víctima número 8		Atal batean
2014-2015	Goenkale	Izaskun	21-22. denboraldiak
2011	Punta Escarlata		Atal batean
2010	Qué vida más triste		Atal batean
2010	Alfonso, el príncipe maldito		Atal batean
2002	¡Ala... Dina!	Carmina	Atal batean
2002	Compañeros		2 ataletan