Patricio Infante Alfonso
| Patricio Infante Alfonso | |||||||
|---|---|---|---|---|---|---|---|
1990eko abenduaren 12a - 2004ko azaroaren 26a ← Carlos Oviedo Cavada (en)  - Pablo Lizama Riquelme (en) → Elizbarrutia: Antofagastako artxidiozesia
1984ko abuztuaren 7a - 1990eko abenduaren 12a Elizbarrutia: Santiago de Chileko artxidiozesia
1984ko abuztuaren 7a - 1990eko abenduaren 12a ← Antonio María Rouco Varela - Jurij Bizjak (en) → Elizbarrutia: Gergis (en) | |||||||
| Bizitza | |||||||
| Jaiotza | Santiago, 1929ko urriaren 9a | ||||||
| Herrialdea |  Txile | ||||||
| Heriotza | Santiago, 2025eko apirilaren 18a (95 urte) | ||||||
| Hezkuntza | |||||||
| Hizkuntzak | gaztelania | ||||||
| Jarduerak | |||||||
| Jarduerak | apaiz katolikoa eta apezpiku katolikoa | ||||||
| Sinesmenak eta ideologia | |||||||
| Erlijioa | Erromatar Eliza Katolikoa | ||||||
José Patricio Infante Alfonso[1] (Santiago, 1929ko urriaren 9a – ibidem, 2025eko apirilaren 18a) txiletar elizgizon katolikoa izan zen. 1984tik 1990era Santiagoko apezpiku laguntzailea izan zen, eta 1990etik 2004ra Antofagastako artzapezpikua.[2]
Bizitza
[aldatu | aldatu iturburu kodea]Gilberto Infante Lecaros eta Luz Alfonso Pemjeanen semea, Patricio Infante Alfonso Santiagon jaio zen 1929an. 1944an Santiagoko apaizgaitegian sartu zen, bertan filosofia ikasi zuen, eta gero Txileko Unibertsitate Katoliko Pontifikalera joan zen teologia ikastera. Geroago, 1969 eta 1970 artean, Salamancako Pontifize-Unibertsitatean egin zituen ikasketak, teologiako lizentziatura lortuz.[1]
1953ko ekainaren 28an apaiztu zen. Santiagoko apaizgaitegiko inspektore, zuzendari espiritual eta irakasle izan zen ia hamar urtez. El Monten, Chocalánen eta Llolleon ere aritu zen parroko, eta 1983 eta 1990 artean artxidiozesiako landa-eremuko bikario jenerala izan zen.[1][3]
1984ko abuztuaren 10ean, Joan Paulo II.a aita santuak Gergiko apezpiku titular eta Santiagoko apezpiku laguntzaile izendatu zuen.[1] Irailaren 23an apezpiku ordenatu zuten Maipún. Kontsakratzaile nagusia Juan Francisco Fresno kardinala izan zen, eta beste kontsakratzaileak, berriz, Bernardino Piñera artzapezpikua eta Ramón Munita Eyzaguirre apezpikua.[1]
1990eko abenduaren 12an Antofagastako artzapezpiku izendatu zuten, eta 1991ko urtarrilaren 25ean hartu zuen kargua.[2] Urte hartako ekainaren 29an palioa jaso zuen.[1]
2004ko azaroaren 26an dimisioa eman zuen.[2] Azken urteak Santiagoko Renca auzoko Arsko Erretore Santuaren apaiz etxean eman zituen.[1][3] 2025eko apirilaren 18an hil zen, 95 urte zituela, eta hileta Providencian izan zen apirilaren 20an, Pazko Igandean.[1][3]
Ondorengotza apostolikoa
[aldatu | aldatu iturburu kodea]- Scipione Rebiba kardinala
- Giulio Antonio Santorio kardinala (1566)
- Girolamo Bernerio kardinala (1586)
- Galeazzo Sanvitale artzapezpikua (1604)
- Ludovico Ludovisi kardinala (1621)
- Luigi Caetani kardinala (1622)
- Ulderico Carpegna kardinala (1630)
- Paluzzo Paluzzi Altieri Degli Albertoni kardinala (1666)
- Benedikto XIII.a aita santua (1675)
- Benedikto XIV.a aita santua (1724)
- Klemente XIII.a aita santua (1743)
- Marcantonio Colonna kardinala (1762)
- Hyacinthe-Sigismond Gerdil kardinala (1777)
- Giulio Maria della Somaglia kardinala (1788)
- Carlo Odescalchi kardinala (1823)
- Costantino Patrizi Naro kardinala (1828)
- Lucido Maria Parocchi kardinala (1871)
- Pio X.a aita santua (1884)
- Benedikto XV.a aita santua (1907)
- Sebastiano Nicotra artzapezpikua (1917)
- Gilberto Fuenzalida Guzmán apezpikua (1918)
- Alfredo Cifuentes Gómez artzapezpikua (1934)
- Juan Francisco Fresno Larraín artzapezpikua (1958)
- Patricio Infante Alfonso apezpikua[2]
Erreferentziak
[aldatu | aldatu iturburu kodea]- ↑ a b c d e f g h (Gaztelaniaz) «Fallece Mons. José Patricio Infante» Iglesia.cl - Conferencia Episcopal de Chile 2025-04-19 (Noiz kontsultatua: 2025-04-23).
- ↑ a b c d (Ingelesez) «Archbishop Patricio Infante Alfonso †» Catholic Hierarchy (Noiz kontsultatua: 2025-04-23).
- ↑ a b c (Gaztelaniaz) Farías Silva, Jesús. «Murió Patricio Infante, expárroco de Llolleo y bombero honorario» El Líder: 5. 2025-04-20 (Noiz kontsultatua: 2025-04-23).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q1630592