Patxi Bisquert
| Patxi Bisquert | |
|---|---|
 | |
| Bizitza | |
| Jaiotza | Zizurkil, 1952ko irailaren 19a (73 urte) |
| Herrialdea |  Gipuzkoa, Euskal Herria |
| Hezkuntza | |
| Hizkuntzak | gaztelania euskara galiziera |
| Jarduerak | |
| Jarduerak | aktorea, telebista-aktorea, zinema aktorea, antzerki aktorea eta film-zuzendaria |
| Lan nabarmenak | |
| Kidetza | Euskadi Ta Askatasuna |
  | |
Patxi Bisquert Manterola (Zizurkil, 1952ko irailaren 19a) gipuzkoar aktorea da, zineman, antzerkian eta telebistan. Zinema-zuzendaria eta zinema-ekoizle ere bada, Eguzki Art Zinema ekoiztetxea sortu zuenetik.
Hamarnaka pelikulatan hartu du parte ibilbide profesional luzean, 1980ko hamarkadan bereziki nabarmendua, "Tasio" izanda ospe gehien eman dion pelikula. Aurreko hamarkadan arlo politikoan militantzia erakutsi zuen, baita kartzela ezagutu ere.
Euskal Herritik kanpo bizi izan zen 2001tik 2019ra, eta azkenik bertara itzuli zen, Nafarroara.
Bizitza
[aldatu | aldatu iturburu kodea]Hondarribiako baserri batean hezi zen, Jaitzubia auzoan. Hamabi urte zituela Eibarrera joan, eta hamalaurekin metalurgian lanean hasi zen. 18 urte zituela, lantegia Gasteiza lekualdatu zuten eta hara joan zen Patxi Bisquert ere. Sindikalismoan sartu, eta gero ETAkide bilakatu zen. 1972an atxilotu eta hiru urte eman zuen kartzelan 1975ean atera zen arte. EIA (Euskal Iraultzarako Alderdia) 1977 urtean sortu zuen kolektiboan parte hartu zuen. Gasteiz utzita (2001) Ourenseko Ribeira Sacra eskualdean bizi izan zen 2014a arte. Gero Larraungo Astitzen, Sakanako Errotzen, eta azkenik Lizarraldeko Marañonen.
Zinemako ibilbidea
[aldatu | aldatu iturburu kodea]
Zinema munduan lanean kasualitatez hasi zen, Segoviako ihesa (1981) filmean bere papera antzezteko aukeratua izan zenean. Imanol Uribe eta Angel Amigo, filmeko zuzendari eta ekoizleak, ihesa bizi izan zuten benetako pertsonaiez gerturatu nahi izan zuten, hala, filmak sinesgarritasun gehiago izango zuelakoan.[1] Urte berean, Alfonso Ungríaren Albaniaren konkistan (1983) eta Pedro Olearen Akelarre (1984) filmetan parte hartu zuen. Bere lehenengo paper-nagusia 1984an izan zen, Montxo Armendarizek eta Elias Kerexetak Tasio filmean lan egiteko eskaini ziotenean.
Galizian bizi zelarik, ekoizle-lanak egin zituen gai etnografikoak edo historikoak jorratuta, hango inauteriei buruzko dokumental batean zuzendari-lanak ere eginez; horien artean Terra do Millo filma. Bertan zegoela, Eguzki Art Zinema ekoiztetxea sortu zuen 2008an.[2]
Zuzendu duen azken filma Ombuaren itzala luzemetraia da, Pello Mari Otaño bertsolari poetari buruz.
.jpg)
Filmografia
[aldatu | aldatu iturburu kodea]Taula honetan ikus daitezke film batzuen zuzendaria, enpresa ekoizlea eta beste izenburuak (gaztelaniaz, frantsesez):
Antzerki lanak
[aldatu | aldatu iturburu kodea]- Betizu - Toro rojo (Ignacio Amestoy Egiguren - 1993). Filma oroimen-ariketa kolektiboa da, hausnarketa-ariketa bat. Patxi Bisquerten pertsonaia aske eta osoki izateko ari da borrokan, eta herri oso batek aske eta osoki izateko egiten duen borrokaren isla izan nahi du.[4]
- Miel Errauzkin (Ozkar Galán)
_(cropped).jpg)
Erreferentziak
[aldatu | aldatu iturburu kodea]- ↑ Euskadiko Filmategia. Bisquert , Patxi. .
- ↑ (Galizieraz) Maceda, Felos de. (2007-12-31). «A Terra do Millo — Felos de Maceda %» Felos de Maceda (kontsulta data: 2026-04-07).
- ↑ «Las hormigas ciegas» www.imdb.com (kontsulta data: 2026-03-31).
- ↑ Amestoy Egiguren, Ignacio. (1993). «Betizu, toro rojo. Patxi Bisquert.» teatroteca.teatro.es (kontsulta data: 2026-03-31).
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]
Datuak: Q9056959
Multimedia: Patxi Bisquert / Q9056959