Paula Echevarría

Paula Echevarría
Irudi gehiago
Bizitza
Jaiotzako izen-deiturak	Paula Echevarría Colodrón
Jaiotza	Candás (Carreño), 1977ko abuztuaren 7a (46 urte)
Herrialdea	Espainia
Familia
Ezkontidea(k)	David Bustamante  (2006ko uztailaren 22a -  2018)
Bikotekidea(k)	ikusi Miguel Torres Gómez (en)
Hezkuntza
Hizkuntzak	gaztelania asturiera
Jarduerak
Jarduerak	modeloa eta aktorea

Paula Echevarría Colodrón (Candás, Carreño, 1977ko abuztuaren 7a) espainiar aktorea da. Zineman, telebistan eta antzerkian lan egiten du. 2018a banatu ziren arte, David Bustamante abeslariarekin ezkonduta zegoen eta elkarrekin alaba bat dute: Daniella Bustamante Echevarría.

Ibilbide profesionala

1990eko hamarkadaren amaieran Londresen bizi izan zen. 2000. urtean hasi zen telebistan ateratzen, telesaioetan, adb, Al salir de clase, Policías edo Compañeros. Uda horretan ere Tele5n agertu zen telesaio batean: Emision Imposible.

2002an, pertsonaia bat interpretatu zuen antzezlan batean, Agatha Christieren Ten Little Niggers nobelan oinarrituta. Antzezlan horrek arrakasta handia izan zuen, Espainiako leku askotatik pasatu zen, 365 aldiz edo antzeztu zen. Urte horretan ere film batean lan egin zuen; Peor imposible, Elsa Patakyrekin batera. Urte honen amaieran beste film batean agertu zen, oraingo honetan filma biografia bat zen: Machín, toda una vida.

2003an, Antena 3 ateratako telesaio batean agertu zen eta protagonista zen, London Street du izena. Film batean ere agertu zen, Carmen, Vicente Arandarena.

2004an, beste film batean lan egin zuen, El chocolate del loro, Ernesto Martin zuzendariaren aginduetara. Urte horretan, arrakasta handia izan zuen telebistan, El Comisario telesaioan agertzen zen Tele5n. Telesail honek 2007. urteraino iraun zuen.

2005ean, Las locuras de Don Quijote filmean parte hartu zuen. Urte honetan, protagonista izan zen, La dama blanca filmean, Miguel Angel Muñoz, Irene Visedo eta Pablo Rivero agertzen ziren. Urte bat beranduago eduki zuen paper oso ona, Rojo intenso, Javier Elorrieta egilea zen.

2007an, Alex González alboan edukita, Luz de domingo film luzea egin zuen, Jose Luis Garci zuzendariarekin. Film hau Goya sarietako bost izendapen lortu zituen eta Oscarretara joateko izendapena ere lortu zuen.

2008an, berriro, Jose Luis Garcirekin lan egin zuen, Sangre de mayo filmean. Film hau izendapen gehiago eduki zituen Goyatara joateko. Zazpi izendapen Goya sarietan eta Oscar sarietara joateko gonbidapena.

2010tik 2013ra arte protagonista izan zen telesaio batean, Gran Reserva, Errioxan egindakoa telesaila eta TVE 1ean programatu zuten.

2010ean, blog bat sortu zuen Elle aldizkarian: Tras la pista de Paula. Blog honetan kontatzen ditu bere azkenengo urteetako bizitzari buruzko kontu batzuk. Hau guzti hau, kontuan izanda, komunikazio baliabide batzuk erabiliz trebea delako-edo, hasi dira Paulari it-girl deitzen, hau da informazio-teknologietan aditua den neska. Espainiako aktorerik jarraituena izan da Instagramen, 2012an, milioi bat jarraitzaile baino gehiagorekin. Google bilatzailean ere gehien bilatzen zen aktorea izan zen. 2015an, Bing bilatzailean, Microsoft enpresaren bilatzailean, Espainian, gehien bilatu zen pertsona izan zen, eta hori bi urtez jarraian.

2012an, atera zuen izu thriller bat, Vulnerables, Miguel Cruzena zuzendaria izanda. 2014tik aurrera Paula protagonista da Antena 3ko telesaio batean, Velvet. Berarekin lan egiten duena, beste protagonista, Miguel Angel Silvestre da. Eta beste pertsonaia batzuk, Aitana Sánchez-Gijón, Marta Hazas, José Sacristán, Amaia Salamanca, etab. Telebista saioak kontatzen du, jostun baten eta modako saltzaile baten arteko maitasun istorioa. Gertakizunak berrogeita hamarreko hamarkadaren amaieran kokatzen dira. Telebista- kanaletan eta beste herri batzuetan ikusi ahal da. 4 denboraldi grabatu dira dagoeneko 2014-2016 urteetan.

Filmografia

Zinema

Urtea	Filma	Zuzendaria	Pertsonaia
2002	Peor imposible, ¿qué puede fallar?	José Semprún
	Machín, toda una vida	Nuria Villazán
2003	Carmen	Vicente Aranda	Marisol
2004	El chocolate del loro	Ernesto Martín	Patricia
2005	Las locuras de Don Quijote	Rafael Alcázar	Altisidora
2006	Rojo intenso	Javier Elorrieta	Ana
2007	Luz de domingo	José Luis Garci	Estrella
2008	Sangre de mayo	José Luis Garci	Inés
2012	Vulnerables	Miguel Cruz	Carla

Telebista

Urtea	Telesaila	Pertsonaia	Oharra(k)
2000	7 vidas	Rocío	2 atal
	Compañeros	Paula	Atal 1
2001	Mi teniente	Paula	Atal 1
	Policías, en el corazón de la calle	Eva	Atal 1
	Al salir de clase	Berta	5 atal
2003	London Street	Nuria	13 atal
2003 – 2007	El comisario	Clara Osma	48 atal
2010 – 2013	Gran Reserva	Lucía Reverte	42 atal
2014 – 2016	Velvet	Ana Ribera	55 atal
2017	Las chicas del cable	Matilde Sánchez	? atal

Kanpo estekak

• Datuak: Q5008096
• Multimedia: Paula Echevarría / Q5008096