Pawnee[1]Nebraskako estatuan, Platte ibaiaren arroan, bizi zen herri amerindiarra da. XVIII. mendean lau taldek osatzen zuten pawnee herria, skidi (iparraldean bizi zirenak) eta hegoaldean bizi ziren chaui, kitkehaxki eta pitahawirata izenekoek. Bufalo-ehiza zuten ekonomia-jarduera nagusia. Pawnee herriak borroka gogorrak izan zituen dakota herriaren aurka. Estatu Batuetako gobernuarekin harreman onak izan zituen, kolonoei laguntza eman baitzien Britainia Handiaren aurkako independentziako gerran. Oklahoma estatuko erreserba batean kokatu ziren 1876. urtean. Gaur egun, 2.000-3.000 inguru dira.
