Peñotako geltokia (Adif)

Wikipedia, Entziklopedia askea
Jump to navigation Jump to search

Koordenatuak: 43° 19′ 35″ N, 3° 01′ 25″ W / 43.326315°N,3.023516°W / 43.326315; -3.023516

Infobox train2.png
Peñota
Peñota Renfe 1.jpg
Geltokiaren eraikina Victoria Erreginaren pasealekutik.
Kokapen mapa
Lineak

« Santurtzi Cercanias Logo.svg C-1 red.svg  Portugalete »
Kokapena
Helbidea Victoria Erreginaren pasealekua, 1; 48980
Udalerria Santurtzi,  Bizkaia
Geltokiaren datuak
Kodea 13404
Gunea 1. gunea
Irekiera 1926ko abenduaren 21a
Irisgarria Geltoki ez irisgarria 
Zerbitzuak Txarteldegia 
Aldageltokia Trena Autobusa 
Nasa kopurua 2
Trenbide kopurua 2
Jabea ADIF
Eragilea(k) Renfe Operadora
Garraio zerbitzuak
Renfe Aldiriak C-1Bilbo-Abando - Santurtzi
Bizkaibus A3135  Sestao - Kabiezes
A3321  Portugalete - Ondarra - Muskiz

Peñota ADIFek Santurtzi udalerriko izen bereko auzoan duen lurgaineko tren geralekua da. Renfe Operadora eragileak ustiatzen du, Bilboko Renfe Aldirien C-1 lineari dagokiola. 1926ko abenduaren 21ean inauguratu zen eta Renfeko Aldirien sareko 1. tarifa-guneari dagokio.

Eraikinaren aurrean Euskal Herriko Unibertsitateko Nautika eta Itsasontzi Makineria Goi Eskola Teknikoa dago.

Kokapena[aldatu | aldatu iturburu kodea]

Oriol jauregia, geralekuaren gainean

Geralekua, itsas mailatik 10 metrora, zabalera iberiarra duen 720 linearen (Bilbo - Santurtzi trenbidea) parte da, 12,9. puntu kilometrikoan kokatzen delarik.[1]

Geralekua Santurtzi eta Portugalete arteko mugan dago. Gainean Oriol jauregia du, gaur egun lau izarretako hotel bihurtuta, URH enpresak ustiatuta. Ondoan Portugaleteko igerilekua eta Euskal Herriko Unibertsitateko Nautika Fakultatea ditu, eta Santurtziko polikiroldegia ere inguruan kokatzen da.

Sarbideak[aldatu | aldatu iturburu kodea]

Peñota bi sarbidedun geralekua da. Sarbide nagusia Victoria Erreginaren pasealekuan dago, eskailera zein arrapala bidezkoa eta geltokiaren eraikinera ematen duena. Bigarren sarbidea Peñota kaleko urbanizazioan kokatzen da, eta eskailera bidezkoa da.

Sarbide nagusitik eraikinera sartu eta balioztatze-makinak zeharkatuta 2. trenbideak erabiltzen duen nasa dago, Bilboko norantzadun trenek jasotzen duten nasa, alegia. 1. trenbideko nasara jotzeko, hots, Santurtziko norantzadun trenek erabilitakoa, trenbideak gainetik zeharkatzen dituen pasabidea gurutzatu behar da, horretarako nahitaez eskailera tarte bat igo behar delarik. Bere aldetik, bi nasak bihurgunean daude, eta trena eta nasen arteko tartea nabarmen handia da, irisgarritasun aukera ezeztatuz.

  • Arrapala bidezko sarbidea Eskailera bidezko sarbidea Autobusa Sarbide erabilgarria Victoria Erreginaren pasealekua, 1
  • Eskailera bidezko sarbidea Peñota kalea, z/g

Irisgarritasuna[aldatu | aldatu iturburu kodea]

Nahiz eta sarbidea erabilgarria izan, nasa eta trenaren arteko tartea dela eta geltokiaren erabilera ez da irisgarria.

Arartekoak argitaratutako irisgarritasuna eta garrioaren ikerketa-diagnosiaren arabera, «Mugikortasun Urriko Pertsona erabiltzaileak ezin du modu autonomoan nasa eta unitate mugikorraren plataformaren arteko desnibela libratu, nasa eta trenaren artean tarte handia dagoelako», eta «Burdinbide zerbitzuen eragileak ez dio Mugikortasun Urriko Pertsona erabiltzaileari bermatzen ibilgailutik igo edota jaistea[2]

Etorkizunean Bilboko Renfeko Aldirien sarean mugikortasun urriko pertsonei egokitutako trenak ezartzea espero da. Bitartean, 2018ko udan zehar plataforma irisgarri mota ezberdinekin hainbat froga egin ziren.[3]

Geltokira sarbidea Victoria Erreginaren pasealekua Sarbide erabilgarria 
Peñota kalea (urbanizazioa) Sarbide ez irisgarria 
Nasetara sarbidea 1. trenbidea Sarbide ez irisgarria 
2. trenbidea Sarbide irisgarria 
Trenera sarbidea 1. trenbidea Sarbide ez irisgarria 
2. trenbidea Sarbide ez irisgarria 

Historia[aldatu | aldatu iturburu kodea]

1888ko irailaren 27an, Bilbo eta Ezkerraldea lotzen zituen trenbidean, Barakaldo eta Portugalete arteko tartea ireki zen, Bilbotik Portugaleterako Trenbide Konpainiak eraikita. 1926ko abenduaren 21ean trenbidea Portugaletetik Santurtzira luzatu zen, bidaiarien tren zerbitzua Santurtzi herrira, eta zama garraio trenak Bilboko portura helarazteko, eta hala, trenbide adar berri bat eraiki zen.[4] Luzapen horren ondoren Peñota eta Santurtziko tren geltokiak ireki ziren.

1941 urtean, Espainiako trenbideen nazionalizazioarekin batera, geltokia RENFE enpresaren esku gelditu zen.

2005eko urtarrilaren 1.an, Espainiako Trenbide Sektorearen Legeari jarraiki, trenbide azpiegituren kudeaketa eta trenen ustiapen zerbitzuak bereizi ondoren geltokia eta bestelako azpiegitura ADIFek bereganatu zuen, eta bere aldetik Renfe Operadorak aldirien zerbitzua eskaintzen du.

Loturak[aldatu | aldatu iturburu kodea]

Geltokiaren kanpoaldean Bizkaibus zerbitzua hornitzen duten bi autobus geraleku daude. Hurrengo lineak geralekuetatik pasatzen dira:


Argazki galeria[aldatu | aldatu iturburu kodea]

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Euskarazko Wikipedian bada atari bat, gai hau duena:
Euskal Wikiatlasa