Pedro Sanjuan

Pedro Sanjuan
Bizitza
Jaiotza	Donostia, 1886ko azaroaren 15a
Herrialdea	Gipuzkoa, Euskal Herria
Heriotza	Washington, 1976ko urriaren 18a (89 urte)
Hezkuntza
Hizkuntzak	gaztelania
Irakaslea(k)	Joaquín Turina
Jarduerak
Jarduerak	orkestra zuzendaria, musikagilea eta musikologoa

Pedro Sanjuan Nortes (Donostia, 1886ko azaroaren 15a – Washington Hiria, 1976ko urriaren 18a) gipuzkoar musikagile, musika irakasle eta orkestra zuzendaria izan zen.

Biografia[aldatu | aldatu iturburu kodea]

Madrilen Pérez Casas eta Turinaren ikasle izan zen. Ikasketak Parisen amaitu zituen, Vincent d'Indyren Schola Cantorumen. Madrilera itzuli eta bertako Orkestra Sinfonikoa eta Filarmonikoa zuzendu zituen. Urte haietan, Espainiako folklorea eta musika tradizionala modu berritzailean landu zituen. Castilla sinfonia da garai hartako lanik aipagarriena^[1].

1923an Kubara joan zen eta ondoko urteetan bolada luzeak igaro zituen bertan. 1924an Habanako Orkestra Filarmonikoa sortu eta 1932 arte zuzendu zuen ^[2]. Uharteko musikak, bai kolonialak bai afroamerikarrak, eragin handia izan zuen bere lanetan. Honen adibidea Liturgia negra sinfonia da, 1934an Espainiako Musika Sari Nazionala irabazi zuena^[1].

Errepublikaren aldekoa zenez, Espainiako Gerra Zibilaren ondoren ez zen Espainiara itzuli. Kaliforniara joan zen bizitzera eta orkestrak zuzentzen eta unibertsitatean klaseak ematen aritu zen, 1976an hil zen arte^[1].