Philip Glass

Wikipedia, Entziklopedia askea
Philip Glass
Philip Glass 1.jpg
Bizitza
JaiotzaBaltimore1937ko urtarrilaren 31 (84 urte)
Herrialdea Ameriketako Estatu Batuak
Lehen hizkuntzaingelesa
Familia
Ezkontidea(k)JoAnne Akalaitis (en) Itzuli
Seme-alabak
Hezkuntza
HeziketaJuilliard School (en) Itzuli
Fontainebleau Schools (en) Itzuli
Chicagoko Unibertsitatea
Peabody Institute (en) Itzuli
Hizkuntzakingelesa
Irakaslea(k)Nadia Boulanger
Vincent Persichetti (en) Itzuli
William Bergsma (en) Itzuli
Darius Milhaud
Ikaslea(k)Antonio Pinto
Jarduerak
Jarduerakmusikagilea, musikaria, piano-jotzailea, soinu banda konpositorea, libretista eta supporting actor (en) Itzuli
Lan nabarmenakSymphony No. 7 (en) Itzuli
Monsters of Grace
Symphony No. 4 (en) Itzuli
La Belle et la Bête (en) Itzuli
Jasotako sariak
Nominazioak
KidetzaAmeriketako Estatu Batuetako Arte eta Letren Akademia
Arteen eta Zientzien Ameriketako Estatu Batuetako Akademia
Genero artistikoaopera
Sinfonia
Dixielanda
Musika instrumentuapianoa
bass (en) Itzuli
bateria
DiskoetxeaVirgin Records
Sinesmenak eta ideologia
Erlijioabudismoa

philipglass.com
IMDB: nm0001275 Allocine: 43988 Allmovie: p91719 IBDB: 11740
Facebook: 197280947006687 Spotify: 69lxxQvsfAIoQbB20bEPFC Last fm: Philip+Glass Musicbrainz: 5ae54dee-4dba-49c0-802a-a3b3b3adfe9b Songkick: 478572 Discogs: 20691 Allmusic: mn0000849672 Deezer: 4726 Edit the value on Wikidata

Philip Glass (Baltimore, 1937ko urtarrilaren 31) estatubatuar musikagilea da.

Bizitza[aldatu | aldatu iturburu kodea]

New Yorkeko Juilliard Akademian egin zituen ikasketak, eta 1960ko hamarraldian, Parisen, Nadia Boulanger musikologoaren ikasle izan zen. Parisko egonaldian ezagutu zuen orobat Ravi Shankar musikagile indiarra, eta orduan hasi zen haren musikarekin zaletzen. Haren eragina nabarmena da Glassen musikan, baina indiar musikaren osagaiak ez ezik, rock musikatik harturiko osagaiak, Afrikako musikarenak eta Ekialdeko musika klasikoarenak bateratu ditu bere obretan. Haren ustez musika-ikuskizuna ez da mugatu behar orkestrara; beste sentipen batzuk ere eragin behar ditu musika-ikuskizunak.

1960ko hamarraldiaren amaieran, Steve Reich, La Monte Young eta Terry Riley musikagileekin batera minimalismo izenez ezagutu den musika lantzen hasi zen Glass; harmonia soileko eta apenas bariaziorik gabeko musika-pasarteetatik abiatu eta pasarte horietan diseinuan eta erritmoan aldaketa txikiak sartuz, etengabeko errepikapenak egitea da musika-mota horren ezaugarri bereizgarria. Steve Reich eta Terry Riley izan dira, Ravi Shankarrekin batera, Glassen karreran eragin gehien izan duten musikagileak.

1964an 27 urte zituelarik, Parisera joan zen, garaiko konpositore abanguardista guztien irakasle izan zen Nadia Boulanger-ekin ikastera joan zen.

1968an, New Age mugimenduaren aitzindari nagusietakoa izan zen ganbera-musikako talde bat sortu zuen, The Philip Glass Ensemble, eta sarritan jo izan ditu teklatuak talde horretan. Diskoetxe bat ere sortu zuen, eta ondoko lan hauek eman zituen argitara: Music in Similar Motion and Music in 5ths (1973); Music in 12 Parts 1 eta Music in 12 Parts 2 (1974); North Star (1977); Solo Music (1978); Soho Music (1981). Bestalde, Einstein on the Beach (1976, Einstein hondartzan) opera sortu zuen Robert Wilsonekin, eta opera aipagarriak ditu, halaber, Satyagrama (1980), Mahatma Gandhiri buruzkoa, Akhnaten (1984); The Voyage (1992, Bidaia), Kristobal Kolonen aurkikuntza aipagai duena; eta, marrazki bizidunetako kontakizunetan oinarriturik, Orphée (1993, Orfeo); La Belle et la Bete (1994, Ederra eta piztia); eta Les Enfants Terribles (1996, Ume gaiztoak). Glass musika minimalistaren alorrean egindako lanengatik da, batez ere, ezaguna, baina ezin ahaztu daitezke zinemarako egindako soinu-bandak: Koyaanisqatsi dokumental abangoardista (1983); Mishima (1985); Candyman, adimenaren nagusitasuna (1992).

2002an The Hours filmarako egindako soinu-bandak jatorrizko musika onenaren saria jaso zuen BAFTA sarietan (Akademia Britainiarraren Zinema sarietan). Beste artista batzuen artean, Paul Simon, Linda Ronstadt, Yo-Yo Ma, eta Doris Lessingekin elkarlanean aritu izan da.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Philip Glass Aldatu lotura Wikidatan