Pierre Gaveaux

Pierre Gaveaux
	; Irudi gehiago
Bizitza
Jaiotza	Béziers, 1761eko urriaren 9a
Herrialdea	Frantzia
Heriotza	Paris, 1825eko otsailaren 5a (63 urte)
Hobiratze lekua	Père Lachaise hilerria
Familia
Ezkontidea(k)	Émilie Gavaudan (en)
Familia	ikusi Jean-Baptiste-Sauveur Gavaudan (en) (koinatu);
Hezkuntza
Hizkuntzak	frantsesa
Jarduerak
Jarduerak	musikagilea, opera abeslaria eta orkestra zuzendaria
Enplegatzailea(k)	Basilica of Saint Severinus of Bordeaux (en) ; Théâtre Feydeau (en) ; Opéra national de Bordeaux (en)
Lan nabarmenak	ikusi Q3226774 ;
Mugimendua	musika klasikoa
Genero artistikoa	opera
Ahots mota	tenorra
Musika instrumentua	ahotsa

Pierre Gaveaux (Besiers, 1761ko urriaren 9–Paris, 1825eko otsailaren 5) Okzitaniako tenor eta musikagile ospetsua izan zen.

Le Trompeur Trompé (1800) operaren polaka.

Biografia[aldatu | aldatu iturburu kodea]

Zazpi urterekin abestu zuen bere jaioterriko katedralean. Musikarekiko zuen zaletasuna handia zen. Hamar urte zituela mota guztietako musika-liburuak irakurtzen zituen, eta aurretiko ikasketak erabat amaitu zituen. Estatu eklesiastikora zuzenduta, latin ikasi zuen, bere zaletasun nagusia baztertu gabe. Napolira joateko asmoa zuen han bere musika ikasketak osatzeko baina Besierseko apezpikuak ez zion utzi; apezpikua hil zenean Bordelera joan zen. Bordeleko Saint-Seurin basilikaren lehen tenorea bihurtu zen, eta bere prestakuntza musikala osatu zuen Franz Beck eliza horretako organo-jotzailearekin. Garat izan zuen ikaskide gisa. Konposaketa-lan batzuk egin zituen eta saltua eman zuen Bordeleko Grand-Théâtrean sartuz. 1788an, Frantziako hegoaldean zehar bidaiatu zuen eta ospe handia lortu zuen. 1789an, Parisa deitu zioten, operako lehen tenor gisa. Frantziako Iraultzaren garaian oso aktiboa ibili zen.

1795eko urtarrilaren 15ean, bere "Réveil du peuple" abestia abestu zuen. Abesti honekin jakobinoen eta Marseillesaren aurka jarri zen. 1796ko urtarrilean Direktorioak abestia debekatu zuen. Bere opera ospetsuena, Léonore ou l’Amour conjugal, 1798an estreinatu zuen. 1804an Napoleon Bonaparte enpereadorearen kapera-abeslaria izendatu zuten. Zoritxarrez bera baino gazteagoak ziren musikagileak sortu ziren eta horren ondorioz erotu egin zen. 1812ko apirilean, erokeriaren lehen erasoa jasan zuenean, ostatu batera erretiratu behar izan zen. Urte batzuk burua berreskuratu zuen baina berriro galdu zuen eta zahar egoitz batean hil zen, dementzia erabateko egoeran. Hil zenean, Parisko Père Lachaise hilerrian lurperatu zuten.

Framazoneriako kide gisa aipatua izan da. Jean-Baptiste-Sauveur Gavaudan abeslariaren arreba zen Émilie Gavaudan-ekin (1772-1840) ezkondu zen.