Pink Floyd Live at Pompeii

Wikipedia, Entziklopedia askea
Jump to navigation Jump to search
Pink Floyd Live at Pompeii
PompeijTheater.jpg
Datuak
Urtea 1971, 1974
Estreinaldia 1972
Generoa musikala
Herrialdea Frantzia, Alemania
Iraupena 65 minutu (1971ekoa), 85 minutu (1974koa)
Banatzailea Universal Home Video
Zuzendaria
Adrian Maben
Ekoizleak
Steve O'Rourke, Michelle Arnaud, Reiner Moritz
Aktoreak
David Gilmour
Roger Waters
Rick Wright
Nick Mason
Musikagileak
Pink Floyd
Jatorrizko hizkuntza
ingelesa

Pink Floyd Live at Pompeii (Pink Floyd zuzenean Ponpeian, euskaraz) Adrian Maben zuzendaritzapean 1971an egindako pelikula da, Pink Floyd musika talde britainiarra protagonistatzat duena.

Lan honetan Pink Floydek gai batzuk jotzen ditu Vesubiok estalitako erromatar hiri zaharraren anfiteatroan ("Echoes", "One of These Days" eta "A Saucerful of Secrets"). Pelikulan agertzen diren gainontzeko gai musikalak Parisko estudio batean filmatuak izan ziren, Ponpeiako anfiteatroaren irudiekin batera. Ponpeian bertan zein Parisko estudioetan filmatutako kontzertuetan publikorik gabe jarduten du Pink Floydek; musika laguntzaileak eta grabazioaren taldea besterik ez dira irudietan agertzen, laukote britainiarraz gain. Antza, pelikulak protagonismo osoa musika taldeari -soilik- eman nahi izan zion.

Filmean entzuten diren gaiak taldearen lehenengo urtekoak dira (1967-1971); A Saucerful of Secrets, Ummagumma eta Meddle L.P.-etan dauden batzuk aukeratuak izan ziren.

Frantziako eta Alemaniako telebistak pelikula honen ekoizleak izan ziren, eta aurrekontu apal batekin 65 minutuko iraupena zuen produktua burutu zuten. 1972an estreinatu zen zinema aretoetan, eta hilabete batzuk geroago Frantzia eta Alemaniako telebistetan emititu zen. Hasierako bertsioa laburregia zelakoan, 1973an Adrian Maben zuzendariak Pink Floyden taldekideei estudioko elkarrizketa batzuen bitartez pelikula luzatzeko eskatu zien, The Dark Side of the Moon albuma grabatzen ari ziren bitartean. Hola, 1974an pelikularen bertsio luzeagoa estreinatu zen, 85 minutukoa [1].

Pink Floyd Live at Pompeii Pink Floyden pelikula da, "Let it Be" The Beatles-ena edo "Gimme Shelter" Rolling Stones-ena diren bezalakoak. Film honen xarma inguru klasiko baten irudiak (antzinako hiri erromatarrarena) musika abangoardista batekin uztartzean datza, zinemaren baliabide bereziak ere (kea, haizea, irudien gainjartzeak....) erabiliz.

Gai musikalen zerrenda[aldatu | aldatu iturburu kodea]

1972ko hasierako bertsioa[aldatu | aldatu iturburu kodea]

  1. "Intro Song"
  2. "Echoes, Part I"
  3. "Careful with That Axe, Eugene]"
  4. "A Saucerful of Secrets"
  5. "One of These Days"
  6. "Set the Controls for the Heart of the Sun"
  7. "Mademoiselle Nobs"
  8. "Echoes, Part II"

1974ko bertsioa[aldatu | aldatu iturburu kodea]

  1. "Intro Song"
  2. "Echoes, Part I"
  3. "On the Run" (estudioan)
  4. "Careful with That Axe, Eugene"
  5. "A Saucerful of Secrets"
  6. "Us and Them" (estudioan)
  7. "One of These Days"
  8. "Set the Controls for the Heart of the Sun"
  9. "Brain Damage" (estudioan)
  10. "Mademoiselle Nobs"
  11. "Echoes, Part II"

Erreferentziak[aldatu | aldatu iturburu kodea]

  1. Jordi Sierra i Fabra: Pink Floyd, Viaje al Sonido, 149-150 orr., 1976)