Piramide (geometria)

Piramidea
Taldea	Prismatoideak
Aurpegi kopurua	n hiruki + n-gono bat
Ertz kopurua	2n
Erpin kopurua	n + 1
Simetria-taldea	Cnv
Schläfli sinboloa	{ } v {n}
Poliedro duala	Autoduala
Propietateak	Ganbila

Piramidea gorputz geometrikoa da, oinarritzat poligono bat duena, eta poligono horren erpinak goiko beste erpin bati lotzen zaio, piramidearen kuspideari hain zuzen ere; alboetako aurpegiak triangeluak dira.

Oinarria triangelu bat bada, piramidea triangeluarra dela esaten da; oinarria laukizuzena bada, piramidea lauangeluarra dela esaten da, etab. Hau da, oinarrian duen poligono-motak piramidearen izena osatzen du.

Piramide batek honako elementuak ditu:

• Aurpegiak: aurpegietako bat, oinarria, poligono bat da; gainerakoak, alboetako aurpegiak, triangeluak dira.
• Ertzak eta erpinak.

Oinarriak zentroa badu, zentrotik kuspidera doan lerroa piramidearen ardatza da. Ardatza oinarriarekiko perpendikularra duena piramide zuzena da; bestela, piramide zeiharra da. Oinarria poligono erregularra bada eta piramidea zuzena bada, piramide erregularra da.

Piramidearen garaiera ($h$) oinarritik kuspiderainoko distantzia da.

Bolumena $V=Ah/3$ da, $A$ oinarriaren azalera izanik; eta aldeko azalera $ps/2$, $p$ oinarriaren perimetroa eta $s$ aldeen altuera izanik.

Adibideak

Tetraedroa	Piramide karratua	Piramide pentagonala	Piramide hexagonala

Ikus, gainera

Commonsen badira fitxategi gehiago, gai hau dutenak: Piramide (geometria)

• Enborra
• piramide-enborra