Pisanello

Wikipedia(e)tik
Hona jo: nabigazioa, Bilatu
San Jurgi eta Printzesa, zaldiaren xehetasuna (1433-1438)
Cecilia Gonzagaren domina: Inozentzia eta adarbakarra, ilargiaren argitan, 1447

Antonio di Puccio da Cereto Pisanello (Pisa, 1395 - Pisa, 1455) italiar pintorea eta dominagilea izan zen, Antonio Pisano izenaz ezaguna. Veronan egin zituen pintura-ikasketak, eta han egin zituen bere maisulan ezagunenak: Galeperraren Ama birjina, Ama Birjinaren Deikundea eta San Giorgio e la principessa di Trebisonda (San Jurgi eta Trebisonda printzesa). 1425ean Veneziara jo zuen, eta ondoren Erromara joan zen Gentile da Fabriano pintoreak amaitu gabe utzi zituen lanak bukatzera. Ferraran egin zuen lehen domina, 1438an (Joan VII.a Paleologoarena). Italiako Gorte Nagusietara deitu zuten ondoren (Mantua, Milan, Rimini, Venezia, Erroma), eta bere garaiko printzeen erliebeak landu zituen dominetan. Napolin izan zen gero, eta Alfontso V.a Gogohandikoaren dominak grabatu zituen, errege horri berari garaipen-arku baten proiektua aurkezteaz gainera. Maisutasun handiz pintatzen zituen animaliak, bestalde.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Pisanello Aldatu lotura Wikidatan