Planeagailu

Wikipedia, Entziklopedia askea
Jump to navigation Jump to search
Planeagailua
Alexander Schleicher ASG-29 planeagailu modernoa

Planeagailua edo planeatzeko hegazkina aisialdi jardueratarako erabiltzen den motorrik gabeko aireontzi bat da.[1][2] Motorerik gabeko hegazkinok naturan agertzen diren aire korronteak erabiltzen dituzte airean denbora luzez mantendu ahal izateko. Planeagailuek aerodinamika oso aurreratua izan ohi dute eta horrek korronteak erabiliz altuera irabaztea, distantzia luzeak errekorritzea eta airean denbora luzez mantetzea ahalbidetzen die.


Historia[aldatu | aldatu iturburu kodea]

HAWA Vampyr 1921

Sir George Cayleyk 1849 inguruan lortu zuen oso denbora laburrean aireratzea.[3] 1890eko hamarkadan Otto Lilienthal-ek hainbat planeagailu egin zituen, pisua lekuz aldatuz lortzen zuen hauek kontrolatzea. 1900 urtearen bueltan Wright anaiek kontrol azalera mugikorreko planeagailuak eraiki zituzten. 1903an hauetako bati arrakastaz motore bat gehitu zioten[4].

Lehen mundu gerra eta gero, lehen aldiz planeagailuak kirol jardueratarako eraiki zituzten Alemanian. Alemaniaren lotura estua bela hegazkinekiko neurri handi batean gerra eta gero ezarri zizkioten debekuei dagokie, ezin baitzuten motoredun hegazkinik eraiki. Hori dela eta hegazkin zale guztiek planeagailuetara jo zuten eta Alemaniako gobernuak jarduera hau bereziki bultzatu zuen, aipatzekoa da Wasserkuppeko bela hegaldi gunea, oso egokia jarduera honetarako. 1930eko hamarkadan eboluzio nabarmena izan zuten planeagailuek kirol arloan, horrela Cross-country edo zeharkaldiak gero eta ohikoagoak bihurtu ziren, gaur egun eguraldia lagun denean ehundaka edo milaka kilometroko hegaldiak egin ohi dira.

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]