Plataforma per la Llengua

Plataforma per la Llengua
Datuak
Mota	irabazteko asmorik gabeko erakundea
Herrialdea	Espainia
Jarduera
Kidetza	Federal Union of European Nationalities eta ELEN (Hizkuntza Berdintasunerako Europako Sarea)
Kide kopurua	26.211 (2023)
Agintea
Lehendakaria	Òscar Escuder i de la Torre
Zuzendaritza-taldea	Josep-Anton Fernàndez i Montolí (en)
Egoitza nagusi	Bartzelona;
Egoitza nagusi	Valentzia;
Legezko forma	irabazteko asmorik gabeko erakunde
Ekonomia
Diru-sarrerak	3.338.622,66 € (2023)
Historia
Sorrera	1993
Jasotako sariak	Premi Nacional a la Projecció Social de la Llengua Catalana (2008) ; Canigó Award (2024)
	webgune ofiziala;

Plataforma per la Llengua Kataluniako erakunde zibila da, 1993an sortua, Herrialde Katalan guztietan katalan-hiztunen eskubide linguistikoak defendatzen dituena, eta hizkuntza katalanaren sustapena bilatzen duena nazio katalanaren eremu eta esparru guztietan.

Crida a la Solidaritat (1993an deseginda) erakundearen lekukoa jaso zuen Plataforma per la Llenguak sortu zenean. Cridaren aldean, baina, Plataformak hizkuntza katalanaren defentsa eta sustapena du helburu bakarra (Cridak kutsu politikoagoa zuen, burujabetzaren aldeko herri-mugimendua ere baitzen).

Kanpaina ugari egin ditu bere sorreratik. Besteak beste, katalanez produktu komertzialak etiketatzeko, pelikulak zinemetan katalanez ikusi ahal izateko, multinazional handiek katalanaren presentzia bermatzeko (Apple, Microsoft, Telefonica, Vodafone, Nokia, Facebook, Google, Twitter...), lan-munduan katalanaren erabilera bultzatzeko, Kataluniara iristen diren etorkinen integrazio linguistikoa errazteko, Europar Batasunean katalana hizkuntza ofiziala izan dadin exijitzeko, katalan-hiztunak beren eskubide linguistikoak ezagutu ditzaten sensibilizazio-kanpainak, etab.

Bartzelonan du egoitza nagusia, eta 2023an 26.000 bazkide inguru zituen.

Hizkuntzaren aldeko Kataluniako erakunde nagusia da Plataforma per la Llengua. 2008an Kataluniako Generalitateak saritu zuen ("Premi Nacional de Cultura"), katalanaren alde egindako lanarengatik, eta 2024an NBE-ren Ekonomia eta Gizarte Kontseiluaren erakunde aholku-emailea bihurtu zen ^[1].

Erreferentziak

↑ La Plataforma per la Llengua esdevé entitat consultiva de l’ONU Vilaweb, 2024-06-12

Kanpo estekak

Datuak: Q1641096
Multimedia: Plataforma per la Llengua / Q1641096

[1] La Plataforma per la Llengua esdevé entitat consultiva de l’ONU Vilaweb, 2024-06-12

[1]