Porfirio

Wikipedia(e)tik
Hona jo: nabigazioa, Bilatu
Porfirio
Porfirio
Porfirio (XVI. mendeko grabatua)
Datu pertsonalak
Jaio 234 aldean
Tiro (Erromatar Inperioa)
Hil 305 aldean
Erroma (Erromatar Inperioa)


Porfirio (antzinako grezieraz: Πορφύριος, Porphyrios; Tiro, 234 aldean - Erroma, 305 aldean) greziar filosofo neoplatonikoa izan zen.

Bizitza[aldatu | aldatu iturburu kodea]

Filosofia ikasketak egin zituen Atenasen. Plotino filosofoa ezagutu zuen Erroman 262an; haren jarraitzaile izan zen eta haren hitzaldiak eta biografia argitaratu zituen. Logika, erretorika, matematika, astrologia, erlijio eta moralari buruzko idazlan asko idatzi zituen, eta Platonen eta Aristotelesen lanen iruzkinak egin zituen; aipagarriena Kategorien sarrera da, Aristotelesen filosofiaren iruzkina neoplatonisten ikuspuntutik egina, geroztik Severino Boeziok itzuli eta Erdi Aroan eragin handia izan zuena. Kristautasunaren aurka borrokatu zen eta Kristauen aurka idazlana argitaratu zuen, gaur egun galdua dagoena. Plotinoren biografiarekin batera, bere lanen bilduma, Eneadak izenburupean, idatzi zuen.

Gaur egun, Filosofian gorengo mailako sustantziaren edo generoaren eta beheragoko mailako generoen edo espezieen arteko mendekotasuna azaltzen duen irudiri Porfirioren zuhaitza deritzo, Porfiriok asmatu baitzuen.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Porfirio Aldatu lotura Wikidatan
Biografia Artikulu hau biografia baten zirriborroa da. Wikipedia lagun dezakezu edukia osatuz.