Psitakosi

Ohar medikoa

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Psitakosi
Deskribapena
Mota	infekzio bakteriano primarioa, Chlamydophila infectious disease (en) , pneumonia atipikoa eritasuna
Espezialitatea	infektologia
Arrazoia(k)	Chlamydophila psittaci
Sintoma(k)	Eztula, sukarra, mialgia, artralgia, buruko mina, hepatomegalia, esplenomegalia, insomnioa, konjuntibitisa, epieskleritisa, bradikardia, Hipotentsioa, mood swing (en) , meningism signs (en) , goragalea, oka, beherakoa, idorreria, eztarriko mina, meningitisa, polineuropatia, Ondoeza hotzikara
Sortzen du	Psittacosis outbreak of 1929–1930 (en)
Patogenoaren transmisioa	aire bidezko kutsadura zeharkako kutsapen
Azterketa medikoa	miaketa fisiko, chest radiograph (en) , ordenagailu bidezko tomografia axiala, Hemograma, Gernu-analisi, Polimerasaren kate-erreakzioa, ELISA, Immunofluoreszentzia biopsia
Tratamendua
Erabil daitezkeen botikak	Azitromizina, doxiziklina eta moxifloxazino
Identifikatzaileak
GNS-10-MK	A70
GNS-9-MK	073 eta 073.9
DiseasesDB	2375
MedlinePlus	000088
eMedicine	000088
MeSH	D009956
Disease Ontology ID	DOID:11262

Psitakosia edo ornitosia Chlamydia psittaci bakterioak eragindako gaixotasun infekziosoa da, zoonosi bat dena. Loroak, perikitoak, oiloak, indioilarrak eta beste hegazti batzuk dira gizakia kutsatzen dutenak, gorozkien bidez batez ere. Bakterioa airetik hedatzen da.

Gaitz honek loro, perikito eta antzeko maskoten jabeak jotzen ditu batik bat, ohikoa izanik ere albaitari eta hegazti-hiltegietako langileen artean. Bektore moduan jarduten duten hegaztiek ere gaitzaren ondorioak jasaten dituzte maiz.

Psitakosia ez da pertsonen artean kutsatzen.

Sintoma klinikoak

Gaitzaren inkubazio epea astebete edo 10 egun ingurukoa da. Sukarra, buruko mina, eztula eta gripearen antzeko sintomak eragiten ditu. Ohikoa da pneumonia ere.

Hegaztiengan psitakosiak goserik eza, begi-jariadurak eta beherakoak eragiten ditu.

Diagnostikoa eta tratamendua

Sortzen dituen sintomak oso orokorrak direnez, gaitza froga antigenikoen bidez antzematen da. Chlamydiaren aurkako antigorputzak agertuko dira gaixoen odol-serumean.

Tratamenduari dagokionez tetraziklinak dira aukerako antibiotikoak. Gaitza larria izan daiteke, eta tratatu gabeko gaixo asko pneumoniaren ondorioz hiltzen dira. Eritromizina da bigarren lerroko antibiotikoa.

Neurri profilaktikoak ezarrita daude psitakosiaren hedapena ekiditeko. Herrialde askotan, esaterako, (baita Euskal Herrian ere) kanpotik datozen loroak berrogeialdian jartzen dira haien salmentaren aurretik. Berrogeialdi horretan tetraziklina eman ohi zaie janarekin batera, psitakosiaren infekzioa saihesteko.

Kanpo estekak

• Datuak: Q164727
• Multimedia: Psittacosis / Q164727