Quinchao uhartea

Quinchao uhartea
Quinchao uhartea
Datu orokorrak
Garaiera	168 m
Mota	uhartea
Azalera	129,3 km²
Geografia
Koordenatuak	42°29′S 73°29′W / 42.48°S 73.48°W
Honen parte da	Chiloé uhartedia
Estatu burujabe	Txile
Eskualdea	Los Lagos eskualdea
Probintzia	Chiloé probintzia
Txileko komuna	Quinchao
Ur-gorputza	Ozeano Barea

Quinchao uhartea (gaztelaniaz: Isla Quinchao) Chiloé uhartedian dagoen uharte bat da, tamainaz hirugarrena, Txile hegoaldean. 2017ko erroldaren arabera 8.576 biztanle ditu bi udalerritan banatuta, Quinchao (uhartearen hegoaldean) eta Curaco de Vélez (uhartearen iparraldean). Achao herria da uhartearen hiriburua.

Geografia

Chiloeko uharte handiaren alboan dago ekialdera. Dalcahue herritik igarotzen da Quinchaora ferry bidez.

Uharte luze eta estua da eta 129,3 km²-ko azalera du. Erliebe nahiko laua du, punturik altuena 168 metrotako garaieran dago.

Historia

Chono eta huilicheak izan ziren inguruko lehenengo biztanleak.^[1] Kostalde bihurri horretan antzina sortu ziren kai naturalak, Achao eta Curaco de Vélez esate baterako, eta denboraren poderioz kai horiek herri bihurtu ziren.

XVII. mendean jesuitak iritsi ziren eta Achao bihurtu zuten hegoaldera iristeko misio estrategiko. 1767an jesuitak kanporatuak izan ziren eta frantziskotarrek hartu zuten haine lekua.^[1]

Antzina basoak estaltzen zuen uhartea baina nekazarita eta abeltzantza garatu ahala azaeraren gehiengoa larre bihurtu zen edota patata soroak.

Azpiegiturak

Dalcahue eta Curaco de Vélez artean zubia eraikitzeko egitasmo bat baino gehiago izan da, baina kostu handia duelakoan eta errentagarria ez delakoan oraindik ez da eraiki. Transbordadore sistemarekin jarraitzen dute.^[2]