Río Negro (Argentina)

Río Negro
Río Negro
Datu orokorrak
Mota	ibaia
Luzera	635 km
Geografia
Koordenatuak	41°01′54″S 62°47′00″W / 41.031547°S 62.783461°W
Estatu burujabe	Argentina
Argentinar probintzia	Río Negro probintzia
Hidrografia
Ibaiadarrak	ikusi Limay ibaia; Neuquén ibaia; Gutiérrez River (en) ;
Arroaren azalera	132.275 km²
Ur-emaria	1.014 m³/s
Iturburua	Limay ibaia
Bokalea; ()	Ozeano Atlantikoa

Río Negro^[1] Argentinako Río Negroko probintziako, eta Patagonia osoko, ibairik garrantzitsuena da. Patagoniako Andeetatik jaisten diren Limay eta Neuquén ibaien elkargunean sortzen da, Neuquéngo probintziaren ekialdeko muturrean; Río Negroko probintzia zeharkatzen du hego-ekialderako norabidean, eta El Cóndor bainu hiritik hurbil Ozeano Atlantikora isurtzen da. 635 kmko luzera du, 1.125 km Neuquén ibaiaren ibilbidea gehitzen bazaio^[2].

Hidrometria

Río Negroren emaria 54 urtez (1927-1980 bitartean) neurtua izan da Primera Angosturako estazioan (Río Negroko probintzia), Ozeamo Atlantikora isuri baino 224 km gorago^[3]. Gune horretan, drainatutako eremuak 95.000 km² ditu, arro osoaren % 71,8. Urteko batez besteko emaria 870 m³ segundoko da. Emari handiena azaroan du (1393 m³/s), eta txikiena apirilean (306 m³/s).

Río Negroren batez besteko emariak (m³/s), Primera Angosturako estazioan neurtuak
Datuak: 1927 eta 1980 artean

Ekonomia

Ibaia nabigagarria da behealdeko 400 km inguruan. Ura hidroelektrizitatea sortzeko eta labore lurrak zein fruitu sailak (ardotarako mahastiak barne) ureztatzeko erabiltzen da^[2].

Erreferentziak

↑ Euskaltzaindia. Exonimia: Argentina. euskaltzaindia.eus (kontsulta data: 2015-08-16).
↑ ^a ^b Negro River. in: Encyclopædia Britannica. global.britannica.com (kontsulta data: 2015-08-16).^{[Betiko hautsitako esteka]}
↑ Río Negro Primera Angosturako estazioan. grdc.sr.unh.edu (kontsulta data: 2015-08-16).

Kanpo estekak

Datuak: Q817337
Multimedia: Negro River (Río Negro) / Q817337

[1] Euskaltzaindia. Exonimia: Argentina. euskaltzaindia.eus (kontsulta data: 2015-08-16).

[brit-2] Negro River. in: Encyclopædia Britannica. global.britannica.com (kontsulta data: 2015-08-16).^{[Betiko hautsitako esteka]}

[3] Río Negro Primera Angosturako estazioan. grdc.sr.unh.edu (kontsulta data: 2015-08-16).

[1]

[2]

[3]