Rüstempaşa meskita

Wikipedia, Entziklopedia askea
Jump to navigation Jump to search
Rüstempaşa meskita
Rustem Pasha Mosque.JPG
Kokapena
Turkiako probintziaIstanbul probintzia
Milioi bat biztanle baino gehiago dituen hiriaIstanbul
Turkiako barrutiaFatih
MahalleTahtakale
Koordenatuak 41° 01′ 03″ N, 28° 58′ 07″ E / 41.01759104°N,28.96874786°E / 41.01759104; 28.96874786Koordenatuak: 41° 01′ 03″ N, 28° 58′ 07″ E / 41.01759104°N,28.96874786°E / 41.01759104; 28.96874786
Altitudea , itsas mailaren gainetik
Historia eta erabilera
Irekiera1561 (egutegi gregorianoa)
Izenaren jatorria Rüstem Pasha Itzuli
Erlijioa Islama
Arkitektura
Arkitektoa Mimar Sinan

Rüstempaşa meskita (turkieraz: Rüstempaşa Camii) meskita otomandarra da, Istanbulgo Hasırcılar Çarşısı azokan kokatua, Mimar Sinan arkitektoaren lana.

Historia[aldatu | aldatu iturburu kodea]

Rüstempaşa meskita Otomandar Inperioko arkitekto-buru zen Sinanek diseinatu zuen Rüstem Pasha Bisir Handiarentzat (Suleimanen alaba zen Mihrimah-ren senarra). 1561 eta 1563 artean eraiki zen[1].

Ezaugarriak[aldatu | aldatu iturburu kodea]

Kanpoaldea[aldatu | aldatu iturburu kodea]

Meskita terraza baten gainean eraiki zen, denda gangadunen gainean, alokairuekin eraikin multzoa ekonomikoki laguntzeko. Erpinetan dauden eskailera estu eta bihurrietatik patio zabal batera ematen dute. Meskitak bost baoko arkupe bikoitza du, bata kupulekin eta bestea teilatu beheratu eta sakonekin[2].

Barnealdea[aldatu | aldatu iturburu kodea]

Eraikinaren oinplanoa laukizuzen batean inskribatutako oktogono bat da. Kupula nagusia lau erdi-kupulatan oinarritzen da, ez eraikinaren ardatzetan baina diagonaletan. Kupularen arkuak lau zutabe oktogonaletatik irteten dira, bi hegoaldean eta beste bi iparraldean, eta ekialdeko eta mendebaldeko hormetako pilareetatik. Ipar eta hegoaldean galeriak ageri dira, pilareetan eta hauen arteko marmolezko koloma txikietan bermatuak[2].

Iznikeko zeramika bikain eta ugariek, marrazki geometriko eta loredun askotarikoak (krabelinak, bitxiloreak, tulipak, lirio eta lilak), arkupea apaintzeaz gain, barneko horma, mihrab, minbar eta kolomak estaltzen dituzte. Zeramika hauetan gorri bizi kolorea ageri da, Iznik garai goiztiarreko ezaugarri (1555-1620) eta Istanbuleko beste meskitak ez dute zeramika mota hau hainbeste erabiltzen[3].

Irudiak[aldatu | aldatu iturburu kodea]

Erreferentziak[aldatu | aldatu iturburu kodea]

  1. Faroqhi, Subjects of the Sultan.
  2. a b Freely, Blue Guide Istanbul
  3. Denny, Iznik: The Artistry of Ottoman Ceramics

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Rüstempaşa meskita Aldatu lotura Wikidatan