Rafaela Carrasco
| Rafaela Carrasco | |
|---|---|
| Bizitza | |
| Jaiotza | Tomares, 1972 (52/53 urte) |
| Herrialdea |  Espainia |
| Hezkuntza | |
| Hizkuntzak | gaztelania |
| Jarduerak | |
| Jarduerak | dantzaria, koreografoa eta dantza irakaslea |
| Jasotako sariak | ikusi
|
| Kidetza | Espainiako Arte Eszenikoen Akademia |
| Genero artistikoa | flamenkoa |
Rafaela Carrasco (Tomares, Sevilla, Andaluzia, 1972) sevillar flamenko dantzaria, koreografoa eta dantza irakaslea da.[1] 2023ko Dantza Sari Nazionala irabazi zuen sorkuntza modalitatean.[2][3][4][5]
Bizitza
[aldatu | aldatu iturburu kodea]Sevillan jaio zen.[6] Sei urte zituela hasi zen dantzan.[7] Matilde Coralen flamenko-akademian trebatu zen Dantza Espainiarreko eta Flamenkoaren Ikasketa Profesionaletan.[7] Irakasleen artean, besteak beste, Merche Esmeralda, Goyo Montero, Juanjo Linares, La Toná, Manolo Marín, Manolete, El Güito, Milagros Mengíbar, Rafael El Negro eta El Mimbre zeuden.[7]
18 urterekin, Mario Mayaren Konpainian hasi zen lanean, eta lehen dantzaria eta errepikatzailea izan zen.[7] Gero, Andaluziako Dantza Konpainian sartu zen, errepikatzaile eta bakarlari lanetan.[7] 1996an, Madrilera joan zen bizitzera, eta han dantzari aritzeaz gain, koreografo jardun zuen hainbat flamenko konpainiatan, eta mundu osoan zehar hasi zen irakasle lanetan.[7] Irakaslea izan da Madrilgo Amor de Dios eskolan, Granadako Ikasketa Eszenikoen Flamenko Zentroan, Jerezeko Jaialdian eta Madrilgo María de Ávila Goi Mailako Dantza Kontserbatorioan, non Dantza Flamenkoaren katedradun bihurtu zen.[2]
2002. urtean, bere dantza konpainia sortu zuen.[6] Urte horretan, Espainiako eta Flamenko Dantza Lehiaketa Koreografikoan parte hartu zuen, eta sari guztiak irabazi zituen.[7]
2011n, Espainiako Ballet Nazionaleko koreografoa izan zen.[7] 2013tik 2016ra, Andaluziako ballet flamenkoa zuzendu zuen, eta postu horretarako aukeratu zuten 1922ko Cante jondo lehiaketa koreografiarengatik.[6][7]
Sariak eta aintzatespenak
[aldatu | aldatu iturburu kodea]Bere ibilbidean zehar, hainbat beka eta sari lortu ditu.[3]
- 2002an, koreografia onenaren, musika konposizio onenaren eta dantzari onenaren sariak irabazi zituen Espainiako eta Flamenko Dantzaren Lehiaketa Koreografikoan.[7]
- 2008an, Sevillako Flamenko Biurtekoaren XV. edizioan, Koreografia Onenaren Giraldillo saria eta Koreografia Onenaren Prentsaren Saria lortu zituen Vamos al tiroteo ikuskizunarekin.[7]
- 2009an, Vienako Nazioarteko Jaialdian saritu zuten eta Madrilgo Karlos III.a Unibertsitateko Koreografia Lehiaketan Publikoaren Saria jaso zuen.[3] Gainera, Epaimahaiaren hirugarren koreografia saria lortu zuen Madrilgo XXIII. edizioan[3]
- 2010ean, Madrilgo Erkidegoko Kulturaren Saria eman zioten, Dantza kategorian.[7]
- 2023an, Kultura eta Kirol Ministerioak Dantza Sari Nazional izendatu zuen sorkuntza modalitatean, 30.000 euroko saria.[2] Edizio berean, Melania Olcinak Interpretazio Saria jaso zuen.[2][8]
Erreferentziak
[aldatu | aldatu iturburu kodea]- ↑ (Gaztelaniaz) «Rafaela Carrasco – web oficial – La coreógrafa y bailaora Rafaela Carrasco es una destacada figura del flamenco desde que en 2002 creara su propia compañía» Rafaela Carrasco - web oficial (kontsulta data: 2024-10-30).
- ↑ a b c d «Melania Olcina y Rafaela Carrasco, galardonadas con los Premios Nacionales de Danza 2023» www.cultura.gob.es.
- ↑ a b c d «Rafaela Carrasco, galardonada con el Premio Nacional de Danza» EFE Noticias 2023-09-06.
- ↑ (Gaztelaniaz) Notas, Doce. (2024-10-24). «Rafaela Carrasco llega por todo lo alto al escenario del teatro de la Zarzuela con su irresistible ‘Nocturna’» Doce Notas (kontsulta data: 2024-10-30).
- ↑ (Gaztelaniaz) «RAFAELA CARRASCO - Creaviva» Ayuntamiento de Sevilla (kontsulta data: 2024-10-30).
- ↑ a b c País, El. (2023-09-06). «Rafaela Carrasco y Melania Olcina, galardonadas con los Premios Nacionales de Danza» El País.
- ↑ a b c d e f g h i j k l País, El. (2013-09-18). Rafaela Carrasco, nueva directora del Ballet Flamenco de Andalucía. ISSN 1134-6582..
- ↑ (Gaztelaniaz) EP. (2023-09-06). «Rafaela Carrasco, Premio Nacional de Danza: "La mujer en muchos tablaos ha cobrado menos que el hombre"» elDiario.es (kontsulta data: 2024-10-30).
Kanpo estekak
[aldatu | aldatu iturburu kodea]
Datuak: Q61295597