Raimundo Sarriegiren plaza

Raimundo Sarriegiren plaza
Donostia, Parte Zaharra
Donostiako danborrada nahiz Raimundo Sarriegiren omenezko estatua bere izena daraman plazan.
Herrialdea Lurraldea	Euskal Herria Gipuzkoa
Raimundo Sarriegiren plaza Raimundo Sarriegiren plaza Raimundo Sarriegiren plaza
Koordenatuak:	43°19′22.44″N 1°59′00.54″W

Raimundo Sarriegiren plaza Gipuzkoako Donostia hiribururan dagoen plaza bat da, hain zuzen ere Donostiako Parte Zaharrean dago. Plaza honen ekialdean, Bretxa azoka nahiz Bretxako merkatua daude. Bertan, Raimundo Sarriegi bera eta Donostiako danborradaren omenezko estatua edo monumentu bat dago. Plaza honek historikoki izen desberdinak izan ditu: Pikuondokoa, Lopetedi, Atotxa, Eskolen Plaza... Azken hau ofizilena izan zen Sarriegi izena hartu arte.

Historia

1813ko sutearen ondoren enpresari batek plaza honetan ostatu bat eraiki zuen. Gurdiak eta zaldiak hobeto mugitzeko plaza ireki txiki bat uztea eskatu zuen eta hori gaur egungo Sarriegi plazaren jatorria da. Geroago plaza honetan Donostiako alondegia eta eskolak zeuden. 1933an Raimundo Sarriegiri eskaini zitzaion plaza. 1950an Alondiga bota zen gaur egungo plaza sortzeko. 1964an musikariari eskainitako bustoa jarri zen eta 1970an danborraria. Plaza antolaketa desberdinak ezagutu ditu eta orain urte batzuk aipatutako bi monumentu horiek Narrika kalea aldean zeuden.

Leku interesgarriak

Raimundo Sarriegiren plazaren inguruan honako eraikin eta leku interesgarri hauek daude:

• Bulebarra.
• La Bretxa merkatal gunea.
• Bretxa plaza.
• Bretxako merkatua.
• Donostiako Orfeoiaren egoitza.

• 
  Boulevardeko kioskoa.
• 
  La Bretxa merkatal gunea.
• 
  Bretxako merkatua.

Kaleak

• San Juan kalea
• Narrika kalea
• Embeltran kalea

Erreferentziak

Euskarazko Wikipedian bada atari bat, gai hau duena: Donostia

Kanpo estekak

• Datuak: Q12266430
• Multimedia: Plaza de Sarriegi, Donostia-San Sebastián / Q12266430