Rajput
Rajput, (hindiz: राजपूत, euskaraz: «erregearen semea»), Indiako ipar-mendebaleko herria da, Rajastango Rajputana lurraldean bereziki bizi dena. Hamabi milioi lagun dira, klanetan banatuak, eta lur jabeak dira.
Historia[aldatu | aldatu iturburu kodea]
Ez da rajputen jatorria zehazki ezagutzen; kshattriya edo gerra-buruzagien ondorengotzat jotzen dute beren burua, eta aditu batzuen arabera V. mendean Indiako iparraldea inbaditu zuten huno heftaliten ondorengoak dira. Gerrara ohituta zeudelarik, Indiako iparraldeko aristokrazia militarra eratu zuten rajputek, eta hinduek kshattriya gisa onartu bide zituzten haietako buruzagi nagusiak.
IX-X. mendeetan hasi ziren rajputak politikan nabarmentzen eta erresuma indartsu bat eratu zuten XVI. mendea arte. Indiari loturiko Rajastango estatua eratu zuten rajputek 1947. urtean. Gaur egungo rajputek arbasoen gurtza eta norberaren ohorearekiko estimu handia gorde dituzte.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak[aldatu | aldatu iturburu kodea]
Datuak: Q337487
Multimedia: Rajput people / Q337487
|
Artikulu hau antropologiari buruzko zirriborroa da. Wikipedia lagun dezakezu edukia osatuz. |