Rano Raraku

Rano Raraku
Datu orokorrak
Garaiera	180 m
Mota	Sumendi
Geografia
Koordenatuak	27°07′26″S 109°17′10″W
Estatu burujabe	Txile
Eskualdea	Valparaíso eskualdea
Probintzia	Isla de Pascua Province
Txileko komuna	Isla de Pascua
Leku geografikoa	Isla de Pascua

Rano Raraku, sendotutako errautsez eratutako sumendi krater bat da. Txileko Pazko uhartean dago, zehazkiago, uharte honen ekialde inguruan, hegoaldeko kostaldetik gertu, Poike, Hotu Iti eta Pu'i muinoaren artean. Sumendi honek (antzina Maunga Eo bezala ezaguna), bere barnean aintzira bat du. Sumendiak, garrantzi historikoa du uhartearentzat, bere magaletan, barruko zein kanpokoetan, moaiak zizelkatzen baitziren. Sumendiaren kanpo magalean, oraindik amaitu gabe dauden moai ugari daude, horietako batzuk oso handiak. Bertan dago uharteko estatuarik handiena, 21 metroko altuera duena eta oraindik oinarrizko harkaitzetik erauzi gabea. Tontorretik, uhartearen zati handi bat ikus daiteke, iparmendebalderantz, Ovaheko hondartza, ekialderantz, Poikeko penintsula, hegoekialderantz, Motu Marotiri eta Ahu Tongariki, hegomendebalderantz, Maunga Toatoa eta Hanga Maihikuren zati bat, eta, azkenik, mendebalderantz eta distantzia handira, Rano Kau sumendia.

Rano Raraku krater aintziraren ikuspegia.

Rano Raraku sumendiko aintzira, sumendiaren barnean dago, ur gezazkoa da, eta, gehienez ere, 3 metroko sakonera du. Aintzira honen ertzean, landaretza ugari hazten da, batez ere totora erako ihiak. Aintziraren hondoan metaturiko sedimentuen polen edukiaren azterketak, Pazko uhartearen basogabetze garaiei buruzko informazio baliotsua ematen du.

Moai zizelkatzaileen lana, sumendi honen tontorrera iritsi zen, baita bere barnealdeko magalera ere, non, gaur egun, 40 moai dauden aintzirara begira. Uhartearen barnealdera abiatzen ziren estatuak euren plataformetaraino garraiatzeko erabiltzen ziren bideak, "moaien bideak" bezala ezagunak.

Ikus, gainera

• Moai Paro
• Podestá uhartea

Kanpo estekak

• Datuak: Q937167
• Multimedia: Rano Raraku (volcano) / Q937167