Rayon

Wikipedia, Entziklopedia askea
Rayonaren sintetizatzea
Rayonaren detailezko argazkia

Rayon zuntz erdi-sintetikoa da, egur mamia kimikoki landuz 1920. urteaz geroztik ekoizten dena. Zelulosa berritua ere deitzen zaio. Hasieran zelulosa nitrato zuntzen desnitrifikazio bidez ekoizten zen; gaur egun, ordea, lika prozedura izenekoaren bidez lortzen da rayon gehiena.

Trataera kimikoa eman zaion zelulosa zulo mehe batzuetatik igaroarazten da presiopean, bertan zuntza gogortzen duen isurkari bat dela; horrela, erresistentzia handiko zuntz leun bat lortzen da; isurkari gogortzaileari kaseina eta antzeko proteinak nahasten zaizkio askotan zuntza are gogorrago egiteko. Kolorea oso erraz hartzen duten oso zuntz meheak lor daitezke, jantziak egiteko erabiltzen direnak. Azken urte hauetan zuntz berriak asmatu dira sintesi bidez, eta rayona zerbait baztertzen hasia da.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]