Remco Evenepoel

Remco Evenepoel
Irudi gehiago
Bizitza
Jaiotza	Aalst, 2000ko urtarrilaren 25a (23 urte)
Herrialdea	Belgika
Familia
Aita	Patrick Evenepoel
Jarduerak
Jarduerak	txirrindularia eta futbolaria
Parte-hartzailea 2020 UCI World Ranking (en) (20.) 2020 UCI Europe Tour (en) (18.) 2019 UCI Europe Tour (en) (29.) 2019 UCI World Ranking (en) (39.) txirrindularitza 2020ko Udako Olinpiar Jokoetan – Gizonezkoen errepide-lasterketa (49.) cycling at the 2020 Summer Olympics – men's individual time trial (en) (9.) 2021 UCI World Ranking (en) (14.) 2021 UCI Europe Tour (en) (11.) 2022 UCI Road World Championships – Men's road race (en) (1.) 2022 UCI Road World Championships – Men's time trial (en) (3.) 2022 UCI World Ranking (en) (3.) 2022 UCI Europe Tour (en) (3.)
Pisua	62 kilogramo
Altuera	171 zentimetro
Jasotako sariak	ikusi Crystal Bike for best young rider  (2018) Belgian Sportsman of the year  (2019) Crystal Bicycle  (2019, 2022) Belgian National Sports Merit Award  (2022) Urrezko Bizikleta  (2022)

Remco Evenepoel (Schepdaal, Flandria, 2000ko urtarrilaren 25a), flandriar txirrindulari profesional bat da. Askok jotzen dute txirrindularitzaren itxaropenik handienetako bat. 2019an debutatu zuen profesionaletan Deceuninck-Quick Step World Tour-eko taldearekin.

Biografia

Remco Evenepoelen aita ere txirrindulari profesionala izan zen, Patrick Evenepoel, baina Remco gaztea futbolean egin zituen lehen urratsak.

Futbola

Remco Evenepoel bost urterekin hasi zen futbolean jokatzen RSC Anderlecht taldean. Hamaika urte zituela, PSV Eindhoven taldearen gazte akademian sartu zen. Han hiru urte egin zituen, erdiko defentsa moduan jokatzen. Hamalau urterekin Anderlecht taldera itzuli zen. 2014 eta 2015 urteen artean, Evenepoelek lau aldiz jokatu zuen Belgikako hamabost urtez azpiko selekzioarekin, eta bost aldiz hamasei urtez azpikoarekin. 2016an, 16 urte eta 9 hilabete zituela, 13. amaitu zuen Bruselako erdi maratoia, 1 h. 16 min. 15 seg. eginda.

Anderlechten zenbait eragozpen izanda, 2017an KV Malines taldera pasatu zen. Lau hilabete geroago, hantxe amaitu zuen bere futbolista karrera.

Txirrindularitza

Txirrindulari moduan, Remco Evenepoel hainbeste nabarmendu zen, ezen gazte mailatik zuzenean profesional izatera igaro zen, amateur mailatik pasatu barik.

Junior gisa

UCI Munduko Txirrindularitza Txapelketa Errepidean, Innsbruck-en, 2018. Remco Evenepoel irabazle Belgikarekin

Aitaren arrastoari jarraiki, 2017ko apirilean debutatu zuen Evenepoel gazteak txirrindularitzan. Bere lehen lasterketan 71. amaitu zuen, baina bi hilabete geroago lortu zuen lehen garaipena. Amaitu zuen 2017ko sasoia zazpi lasterketa irabazita, tartean La Philippe Gilbert Juniors eta la Route des Géants (Gizandien ibilbidea), biak nazioarteko egutegikoak. Sasoiaren amaieran, Munduko txapelketarako aukeratu zuten, Bergen hirian jokatzekoa zena, Norvegian. Erretiratu egin zen, hiru aldiz erorita.

Hurrengo urtean hainbat lasterketa irabazi zituen Belgikako txapelketa, Europakoa eta Mundukoa jokatu aurretik. 2018ko maiatzean Belgikako txapeldun bihurtu zen, errepideko espezialitatean. Uztailean, Glasgow hirian, Europako txapeldun bihurtu zen erlojupekoan. Bi egun geroago, errepideko lasterketan, helmugarako 100 km falta zirela jo zuen erasoa, eta hamar minutuko aldea atera zion bigarrenari, Alexandre Balmer suitzarra. Lehen aldia zen maila horretan txirrindulari berak irabazten zituela errepideko eta erlojupeko txapelketak. Hiru egun geroago, bi urterako kontratua sinatu zuen Quick-Step Floors talde belgiarrarekin, berau World Tourrekoa. Irailean erlojupeko munduko txapeldun bihurtu zen junior mailan. Bi egun geroago, errepideko lasterketan, erori egin zen hasieran, baina 38 km falta zirela, erasoa jo, eta irabazi egin zuen, minutu bat aterata jazartzaile-taldeari. Lehen txirrindularia izan da gazte mailan, urte berean irabazi dituena Europako titulu biak eta Munduko biak. Urrian Nazioen Sari Nagusia irabazi zuen, junior mailakoa, bere azken lasterketa profesionaletara igaro aurretik.

Deceuninck–Quick-Step

2018ko uztailean, Remco Evenepoelek jakinarazi zuen hurrengo denboraldia profesional mailan lehiatuko zela Deceuninck–Quick-Step taldean, afizionatu mailatik pasatu barik. Taldeko zuzendariek erabaki zuten lehen denboraldi horretan Evenepoel gaztea astebeteko lasterketak eta egun bateko klasikoak egingo zituela, hauen artean albo batera utzita harbideak. Lehen lasterketa Argentinan korritu zuen, La Vuelta a San Juan, eta bertan gazte onena izan zen, 9. sailkapen nagusian, eta podiumera igo zen lehen aldiz erlojupekoan, Julian Alaphilippe taldekidearen atzean. Evenepoelen lehen garaipena Belgikako itzulian iritsi zen, non irabazi baitzituen sailkapen nagusia, etapa bat eta erregulartasunaren maillota. 2019ko abuztuaren 3an Evenepoelek lehen World Tour garaipena lortu zuen Donostiako klasikoan, denak zur eta lur utzita. Donostiako klasikoa irabazi duen inoizko txirrindularirik gazteena bilakatu zen. 2019ko abuztuaren 8an, Evenepoelek erlojupekoa irabazi zuen Europako Txirrindularitza Txapelketan.

Palmaresa

Junior

2017

• Aubel-Thimister-La Gleizeko etapa 1
• Route des Géants (Gizandien ibilbidea)
• La Philippe Gilbert Juniors

2018

• Munduko errepideko txapelketa
• Munduko erlojupeko txapelketa
• Europako errepideko txapelketa
• Europako erlojupeko txapelketa
• Belgikako errepideko txapelketa
• Belgikako erlojupeko txapelketa
• Kuurne-Brusela-Kuurne
• Guido Reybrouck Klasikoa
• 3. etapa l'Étoile du Sud-Limbourg
• Bakearen lasterketa
  • Sailkapen nagusia
  • 2. (erlojupekoa) eta 4. etapak
• Centre Morbihan Trofeoa:
  • Sailkapen nagusia
  • 1. etapa
• Patton Generala sari nagusia
  • Sailkapen nagusia
  • 1. eta 2. etapak
• Aubel-Thimister-Stavelot:
  • Sailkapen nagusia
  • 3. etapa
• Giro della Lunigiana:
  • Sailkapen nagusia
  • 1., 2. eta 4 etapak
• Nazioen Sari Nagusia junior mailakoa

Profesional

2019

• Europako erlojupeko txapelketa
• 2. Munduko erlojupeko txapelketan
• Belgikako Itzulia eta etapa 1
• Donostia Klasikoa
• 3. etapa Adriatica Ionica lasterketa
• 3. Belgikako erlojupeko txapelketan
• 4. Turkiako Itzulian

2020

• Algarveko Itzulia eta 2 etapa
• Burgosko Itzulia eta etapa 1
• Poloniako Itzulia eta etapa 1
• Vuelta a San Juan eta etapa 1

2021

• Belgikako Itzulia eta etapa 1
• Danimarkako Itzulia eta etapa 1
• Druivenkoers Overijse
• Brussels Cycling Classic
• Bernocchi Kopa
• 2. Belgikako erlojupeko txirrindularitzako txapelketan
• 3. Belgikako errepide txirrindularitzako txapelketan
• 3. Munduko erlojupeko txapelketan

2022

• Lieja-Bastogne-Lieja
• Algarveko Itzulia eta etapa 1
• Norvegiako Tourra, Gazteen sailkapena eta 3 etapa
• Espainiako Vuelta , Gazteen sailkapena eta 2 etapa
• Suitzako Itzuliko etapa 1
• Munduko errepideko txapelketa
• Belgikako erlojupeko txirrindularitzako txapelketa
• Donostia Klasikoa
• 2. Valentziako Erkidegoko Itzulian eta etapa 1
• 3. Munduko erlojupeko txapelketan
• 4. Euskal Herriko Itzulian eta Gazteen sailkapena

2023

• UAE Tourra
• Lieja-Bastogne-Lieja
• 2. Kataluniako Voltan, Mendiko sailkapena eta 2 etapa
• Italiako Giroko 2 etapa

Sariak

• Kristalezko bizikleta gazte onenari, 2018an
• Urteko kirol esperantza belgiar onena 2018an

Emaitzak lasterketa nagusietan

Itzuli Handia	2019	2020	2021	2022	2023
Italiako Giroa	—	—	UT	—	UT
Frantziako Tourra	—	—	—	—
Espainiako Vuelta	—	—	—	1.
Munduko Txapelketa	—	—	62.	1.
Munduko Erlojupeko txa.	2.	—	3.	3.

Legenda

—	Ez zuen parte hartu
DSK	Deskalifikatua
UT	Utzi

Kanpo estekak

• Remco Evenepoelen fitxa sitiodeciclismo.com
• Remco Evenepoelen profila cyclingoo.com
• Remco Evenepoelen palmares profesionala firstcycling.com
• Remco Evenepoel - ProCyclingStats
• Remco Evenepoel erabiltzailearen profila, Twitter zerbitzuan

• Datuak: Q50821956
• Multimedia: Remco Evenepoel