Ricardo Arias Calderón

Wikipedia, Entziklopedia askea
Hona jauzi: nabigazioa, Bilatu
Ricardo Arias Calderón
Bizitza
Jaiotza Panama Hiria1933ko maiatzaren 4a
Herrialdea  Panama
Heriotza 2017ko otsailaren 13a (83 urte)
Hezkuntza
Heziketa Yale Unibertsitatea
Lanbidea
Lanbidea politikaria
Sinesmenak eta ideologia
Alderdi politikoa People's Party

Ricardo Arias Calderón (Panama Hiria, 1933ko maiatzaren 4 - ib., 2017ko otsailaren 13a) panamar politikaria izan zen.

Biografia[aldatu | aldatu iturburu kodea]

Estatu Batuetan eta Frantzian ikasia, hainbat unibertsitate eta ikastetxetako irakaslea izan da 1962az geroztik. 1964an Panamako Alderdi Kristau-demokratan sartu zenetik, buru-belarri aritu da politikagintzan. Bi aldiz izan da Panamako lehendakarigai: 1968 eta 1984an. Urte horretan hiru alderdik osatutako Alianza Democrática de Oposición koalizioko buru izan zen, eta hauteskundeak irabazi arren, iruzurren bat izan zela-eta ukatu egin zieten garaipena. 1988an Noriega jenerala gobernuburu bilakatu zenean, R. Ariasek aurka egin zion, lehenik atzerritik eta gero Panamatik bertatik. 1989an estatubatuarrek Panaman indarrean sartu eta Noriega kargutik kendu zutenean, hilabete batzuk lehenago hauteskundeak irabazi zutenek agintea hartu, eta Ricardo Arias Gobernu eta Justizia Ministerioko buru eta lehen lehendakariorde izendatu zuen Endara lehendakariak. Urte berean atentatu bat jasan zuen, eta berak kalterik izan ez bazuen ere, bere bi laguntzaile zauritu ziren. 1979. urteaz geroztik Panamako Alderdi Kristau-demokrataren lehendakaria da, geroago Amerikako Erakunde Kristau-demokrataren lehendakari ere izan zen, eta Nazioarteko Erakunde Kristau-demokrataren lehendakariordeetako bat izan da. Latinoamerikako hainbat aldizkaritako argitalpen batzordeko kide eta La Prensa egunkariko zuzendaritza-batzordeko sortzaileetako bat izan zen. Panama, hondamena eta demokrazia liburua argitaratu zuen 1985ean.

Erreferentziak[aldatu | aldatu iturburu kodea]