Richard Howard

Richard Howard
Bizitza
Jaiotza	Cleveland, 1929ko urriaren 13a
Herrialdea	Ameriketako Estatu Batuak
Heriotza	New York, 2022ko martxoaren 31 (92 urte)
Hezkuntza
Heziketa	Pariseko Letren Fakultatea ; Columbia Unibertsitatea
Hizkuntzak	frantsesa; ingelesa
Jarduerak
Jarduerak	lexikografoa, hizkuntzalaria, itzultzailea, literatura-kritikaria, poeta, kazetaria eta idazlea
Lantokia(k)	New York
Enplegatzailea(k)	University of Houston (en) ; Columbia Unibertsitatea ; University of Cincinnati (en)
Jasotako sariak	ikusi Merezimenduaren Ordena Nazionaleko Zalduna ; John Simon Guggenheim Memorial Foundation beka (1966) ; MacArthur Fellows Program (1996) ; PEN Translation Prize (1976) ; Pulitzer Saria Olerkigintzan (1970) ; Lambda Literary Award ; National Book Award (1983) ; Fellowship of the Academy of American Poets (1989) ; Ivan Sandrof Lifetime Achievement Award (2002) ;
Kidetza	Ameriketako Estatu Batuetako Arte eta Letren Akademia; Arteen eta Zientzien Ameriketako Estatu Batuetako Akademia

Richard Howard (Cleveland, 1929ko urriaren 13a - New York, 2022ko martxoaren 31) estatubatuar poeta eta itzultzailea izan zen.

Bizitza

Columbiako Unibertsitatean eta Parisen, Sorbonan, egin zituen ikasketak. 1970ean Pulitzer saria irabazi zuen Untitled Subjects (1969, Titulurik gabeko gaiak) poema-bildumarengatik. Liburua XIX. mendeko artista, musikagile eta idazleen 15 bakarrizketen bilduma zen. Bertso bidezko bakarrizketa eta elkarrizketa gehiago landu zuen, halaber, bere beste zenbait liburutan: Two-Part Inventions (1974), Fellow Feelings (1976), Misgivings (1979) eta Lining Up (1984).

Richard Howard bere garaiko itzultzaile onenetako bat izan zen, eta frantses poesia modernoaren eta eleberri esperimentalen itzulpenengatik izan zen batez ere ezaguna. Besteak beste, Claude Simon, Albert Camus, Simone de Beauvoir, Michel Butor eta Alain Robbe-Grilleten lanak itzuli zituen. Halaber, Charles Baudelaireren Les Fleurs du Mal itzuli zuen. Bestalde, Estatu Batuetako arte eta poetei buruzko kritika-lan aipagarri bat bazuen: Alone with America: Essays on the Art of Poetry in the United States Since 1950 (1969 eta 1980, Amerikarekin bakarrik: Estatu Batuetako 1950etik aurrerako arte eta poesiari buruzko saiakerak). 1974an Preferences argitaratu zuen, Estatu Batuetako poesiaren antologia bat, bere kritika-iruzkinez hornitua. Poeta laureatua izan zen New Yorkeko estatuan 1994tik 1997ra.

Obra hautatua

Poesia

Quantities (1962)
Damages (1967)
Untitled Subjects (1969)
Findings 1971
Two-Part Inventions (1974)
Fellow Feelings (1976)
Misgivings (1979)
Lining Up (1984)
No Traveller (1989)
Selected Poems (1991)
Like Most Revelations (1994)
Trappings (1999)
Talking Cures (2002)
Fallacies of Wonder (2003)
Inner Voices (selected poems), 2004
The Silent Treatment (2005)
Without Saying (2008)

Kritika-lanak

Alone With America: Essays on the Art of Poetry in the United States Since 1950 (1969)
Preferences: 51 American Poets Choose Poems From Their Own Work and From the Past (1974)
Travel Writing of Henry James (1994)
Paper Trail: Selected Prose 1965-2003 (2004)

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q2636383