Richelieu kardinala

Wikipedia(e)tik
Hona jo: nabigazioa, Bilatu
Artikulu hau Kardinal frantziarrari buruzkoa da; beste esanahietarako, ikus Richelieu.
Richelieu kardinala.

Armand-Jean du Plessis, Richelieuko kardinal kondea (1585eko irailaren 9a1642ko abenduaren 4a) elizgizona eta ministroburu frantziarra izan zen.

Apezpiku 1607an izendaturik, 1616an estatuko idazkari bihurtu zen. Azkar, botere handia bereganatu zuen Frantzian, bai eliza katolikoaren barruan bai estatuaren egituraren barruan ere. Izan ere, 1622an kardinal izendatu zuten, eta Luis XIII.aren ministroburu 1624an. Kargu horretan hil arte iraun zuen, 1642an, Jules Mazarinek bere lekua hartuta.

Frantziako ministroburua zela, monarkia sendotu zuen oposizio talde desberdinen aurka eginda. Nobleziaren boterea apaldu nahian, Frantzia zentralizatu zuen. Kanpo harremanetan, Habsburgotarren botereari kontrapisua jartzeko helburua zeukan, Espainiako eta Germaniako Erromatar Inperio Santuko tronuak bere izanik, Frantzia inguratzen baitzuten. Horretarako, katolikoa izanda ere, protestanteen alde egin zuen Hogeita Hamar Urteko Gerran.

Richelieu arteak babesteagatik ere nabarmendu zen, baita Frantses Akademia sortzeagatik ere.

Commonsen badira fitxategi gehiago, gai hau dutenak: Richelieu kardinala Aldatu lotura Wikidatan