Roberto Calasso

Roberto Calasso
	; Irudi gehiago
Bizitza
Jaiotza	Florentzia, 1941eko maiatzaren 30a
Herrialdea	Italia
Heriotza	Milan, 2021eko uztailaren 28a (80 urte)
Hobiratze lekua	Udako hilerria; Veneziako San Michele hilerria
Familia
Aita	Francesco Calasso
Ezkontidea(k)	Fleur Jaeggy
Hezkuntza
Heziketa	Erromako La Sapienza Unibertsitatea
Hizkuntzak	italiera; ingelesa
Irakaslea(k)	Mario Praz (en)
Jarduerak
Jarduerak	idazlea, argitaratzailea, editorea, saiakeragilea eta unibertsitateko irakaslea
Lantokia(k)	Milan
Enplegatzailea(k)	Adelphi Edizioni (en)
Lan nabarmenak	ikusi Q122801420 ;
Jasotako sariak	ikusi Martin Warnke Medal (2008) ; Bagutta Prize (2002) ; Prix Européen de l'Essai Charles Veillon (1991) ; Prix Formentor (2016) ; Ambrogino d'oro ;
Kidetza	Arteen eta Zientzien Ameriketako Estatu Batuetako Akademia

Roberto Calasso (Florentzia, Toskana, 1941eko maiatzaren 30a - Milan, 2021eko uztailaren 28a) idazle eta editore italiarra izan zen. Bere lanek, hainbat hizkuntzatan itzulita, erakusten dute haren erudizio zabala. Bere lan literario zein editorialean, greziar mitologia, mendebaldeko zibilizazioaren oinarrietako bat, modernitatearekin lotzeko duen interesa nabarmentzen da, baita Europa erdialdeko literaturarekin ere.

Biografia[aldatu | aldatu iturburu kodea]

Bere haurtzaroari buruzko liburu bat argitaratu zuen zendu zen urte berean "Memè scianca", Florentzian kokatuta. Erromako Lizeo klasikoan ikasketak egin ondoren, ingeles literaturan espezializatu zen eta bere tesia Mario Praz idazle eta kritikoarekin egin zuen I geroglifici di Sir Thomas Browne , izenburukoa.

1962 urtean, 21 urte baino ez zituela, beste lagun eta aholkulariekin batera, izen handiko eta nazioarteko eremua hartzen duen Adelphi, argitaletxearen sorkuntzan parte hartu zuen. Bobi izeneko liburuan, nola Roberto Bazlen eta Luciano Foà sortu zuten egiten du kontaketa. Beranduago, argitalpenen zuzendaria izan zen 1971 urte arte, eta, ondoren, horren aholkulari karguan aritu zen 1990. urtera arte; azkenik, presidente izendatu zuten 1999. urtean.

Handik zenbait urtetara, 2004 urtea zela, Oxfordeko Unibertsitateko irakasle bisitari gisa hasi zen, European Comparative Literatureren katedran.

Tartean, Charles Veillon Europako saiakera saria eskuratu zuen 1991 urtean.

Adelphi argitaletxerako hainbat lanen italiar edizioak prestatu zituen, besteak beste, Il racconto del Pellegrino Ignazio Loiolakoarena (1966), Nietzscheren, Ecce homo(1969) Karl Krausen, Detti e contradetti (1972), edo Aforismi du Zürau , Kafkarena (2004).

Bestalde, saiakera izan da bere sorkuntza lanetan landu zuen genero nagusia. Eleberriak ere idatzi zituen eta baditu elkarrekin lotzen diren hainbat lan.

Bere ama hizkuntzaz gain, Calassok frantsesa, ingelesa, gaztelania, alemana, greziera eta latina menperatzen zituen. Sanskritoa ere aztertu zuen.

Fleur Jaeggy, italieraz idazten duen idazle suitzarrarekin ezkonduta zegoen.