Rodrigo Arango Velásquez
| Rodrigo Arango Velásquez | |||||||
|---|---|---|---|---|---|---|---|
 | |||||||
1985eko urtarrilaren 17a - 2001eko urtarrilaren 19a ← Julián Mendoza Guerrero (en)  - Hernán Giraldo Jaramillo (en) → Elizbarrutia: Roman Catholic Diocese of Buga (en)
1981eko urtarrilaren 29a - Elizbarrutia: Casae in Numidia (en)
1981eko urtarrilaren 29a - Elizbarrutia: Archdiocese of Medellín (en) | |||||||
| Bizitza | |||||||
| Jaiotza | 1925eko martxoaren 4a | ||||||
| Herrialdea |  Kolonbia | ||||||
| Heriotza | Tuluá (en) , 2008ko abenduaren 27a (83 urte) | ||||||
| Hezkuntza | |||||||
| Hizkuntzak | gaztelania | ||||||
| Jarduerak | |||||||
| Jarduerak | unibertsitateko irakaslea, apaiz katolikoa eta apezpiku katolikoa | ||||||
| Ideologia eta sinesmenak | |||||||
| Erlijioa | Erromatar Eliza Katolikoa | ||||||
Jaime Rodrigo Arango Velásquez[1] (Betania, Antioquia, 1925eko martxoaren 4a – Tuluá, Valle del Cauca, 2008ko abenduaren 27a) kolonbiar elizgizon katolikoa izan zen. 1981etik 1985era Medellíngo apezpiku laguntzailea izan zen, eta 1985etik 2001era Bugako ordinarioa.[2] San Sulpitzio elkarte apostolikoko kidea zen lehen apezpiku kolonbiarra izan zen.[3]
Bizitza
[aldatu | aldatu iturburu kodea]Antioquiako Betania udalerrian jaio zen 1925eko martxoaren 4an, Roberto Arango Moreno eta María Velásquez Pelaezen semea[1], eta martxoaren 6an bataiatu zuten.[4] Lehen mailako ikasketak jaioterrian egin zituen, eta geroago Manizalesko eta Montrealgo apaizgaitegietan ikasi zuen.[5]
Montrealen apaiztu zen 1950eko ekainaren 3an, San Sulpitzio elkarte apostolikoko kide gisa[2], eta hiri horretan lehen meza eman zuen.[5] 1964-1967 urteetan Manizalesko apaizgaitegiko errektorea izan zen[6], 1968-1974 urteetan Bogotako San Jose apaizgaitegiko errektorea, eta 1975-1980 urteetan Brasiliako apaizgaitegiko errektorea eta Medellíngo Pontifize Unibertsitate Bolibartarreko irakaslea. Bost hizkuntza menderatzen zituen: gaztelania, frantsesa, portugesa, ingelesa eta italiera.[7]
1981eko urtarrilaren 29an, Joan Paulo II.a aita santuak Casae in Numidiako apezpiku titular eta Medellíngo apezpiku laguntzaile izendatu zuen, eta martxoaren 25ean ordenatu zuten Medellíngo katedralean. Kontsakratzaile nagusia Alfonso López Trujillo Medellíngo artzapezpikua izan zen, eta beste kontsakratzaileak, berriz, José de Jesús Pimiento Rodriguez Manizalesko artzapezpikua eta Édouard Gagnon Albertoko San Paulo elizbarrutiko apezpiku emeritua.[2][2][8]
1985eko urtarrilaren 17an, Joan Paulo II.a aita santuak Bugako apezpiku izendatu zuen. 2001eko urtarrilaren 19an dimisioa eman zuen.[2][9]
2008ko abenduaren 27an hil zen gaixotasun baten ondorioz[10], eta Bugako San Petri katedralean hobiratu zuten.[1]
Ondorengotza apostolikoa
[aldatu | aldatu iturburu kodea]- Scipione Rebiba kardinala
- Giulio Antonio Santorio kardinala (1566)
- Girolamo Bernerio kardinala (1586)
- Galeazzo Sanvitale artzapezpikua (1604)
- Ludovico Ludovisi kardinala (1621)
- Luigi Caetani kardinala (1622)
- Ulderico Carpegna kardinala (1630)
- Paluzzo Paluzzi Altieri Degli Albertoni kardinala (1666)
- Benedikto XIII.a aita santua (1675)
- Benedikto XIV.a aita santua (1724)
- Klemente XIII.a aita santua (1743)
- Marcantonio Colonna kardinala (1762)
- Hyacinthe-Sigismond Gerdil kardinala (1777)
- Giulio Maria della Somaglia kardinala (1788)
- Carlo Odescalchi kardinala (1823)
- Eugène de Mazenod apezpikua (1832)
- Joseph Hippolyte Guibert artzapezpikua (1842)
- François Richard de La Vergne kardinala (1872)
- Pietro Gasparri kardinala (1898)
- Clemente Micara kardinala (1920)
- Antonio Samorè artzapezpikua (1950)
- Aníbal Muñoz Duque artzapezpikua (1951)
- Alfonso López Trujillo artzapezpikua (1971)
- Rodrigo Arango Velásquez apezpikua[2]
Erreferentziak
[aldatu | aldatu iturburu kodea]- ↑ a b c (Ingelesez) «Monseñor Jaime Rodrigo Arango Velásquez (1925–2008)» FamilySearch (kontsulta data: 2025-05-03).
- ↑ a b c d e f (Ingelesez) «Bishop Rodrigo Arango Velásquez, P.S.S. †» Catholic Hierarchy (kontsulta data: 2025-05-03).
- ↑ (Frantsesez) Chronologie de la Compagnie des prêtres de Saint-Sulpice 1641-2018. Paris: Compagnie des Prêtres de Saint-Sulpice (argitaratze data: 2020), 68 or. (kontsulta data: 2025-05-03).
- ↑ (Ingelesez) «Jaime Rodrigo» FamilySearch (kontsulta data: 2025-05-03).
- ↑ a b (Gaztelaniaz) Betancur Restrepo, Orlando. (2019). «Monseñor Rodrigo Arango Velásquez» Betania: Historia, crónicas y cuentos, biografía de tiempos difíciles. Academia Antioqueña de Historia, 45-47 or. ISBN 978-958-59784-4-7. (kontsulta data: 2025-05-03).
- ↑ (Gaztelaniaz) «Seminario Mayor Manizales» Arquidiócesis de Manizales (kontsulta data: 2025-05-03).
- ↑ (Gaztelaniaz) «Reseña histórica del Seminario Conciliar San José de Bogotá» Arquidiócesis de Bogotá 2016-11-01 (kontsulta data: 2025-05-03).
- ↑ (Gaztelaniaz) Zuluaga Gil, Ricardo. (2021). «Arquidiócesis de Medellín» El Episcopado en Colombia. Una Historia de 500 Años. Medellín: Centro de Historia del Municipio de San Vicente Ferrer, 89 or. ISBN 978-958-49-1576-4. (kontsulta data: 2025-05-03).
- ↑ (Gaztelaniaz) Zuluaga Gil, Ricardo. (2021). «Diócesis de Buga» El Episcopado en Colombia. Una Historia de 500 Años. Medellín: Centro de Historia del Municipio de San Vicente Ferrer, 102 or. ISBN 978-958-49-1576-4. (kontsulta data: 2025-05-03).
- ↑ (Gaztelaniaz) «Falleció tras sufrir una penosa enfermedad monseñor Rodrigo Arango Velásquez» El Tiempo 2008-12-27 (kontsulta data: 2025-05-03).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q2161283
Multimedia: Rodrigo Arango Velásquez / Q2161283