Roger Rivière

Roger Rivière
	; (1960) Irudi gehiago
Bizitza
Jaiotzako izen-deiturak	Roger Paul Jean Rivière
Jaiotza	Saint-Étienne, 1936ko otsailaren 23a
Herrialdea	Frantzia
Heriotza	Saint-Galmier, 1976ko apirilaren 1a (40 urte)
Heriotza modua	berezko heriotza: laringeko minbizia
Hezkuntza
Hizkuntzak	frantsesa
Jarduerak
Jarduerak	txirrindularia
	Parte-hartzailea Espainiako Vuelta ; Frantziako Tourra ; 1959 Super Prestige Pernod (en) (2.) ;
Jasotako sariak	ikusi Champion des champions français de L'Équipe (1957) ;

Roger Rivière (Saint-Étienne, 1936ko otsailaren 23a - Saint-Galmier, 1976ko apirilaren 1a) txirrindulari frantziarra zen. Le Roi du Vigorelli goitizenarekin ezaguna zen, Milango Vigorelli belodromoan Orduko errekorra eskuratu zuelako.

Kirol ibilbidea[aldatu | aldatu iturburu kodea]

Kirol lorpenik handienak Munduko eta Frantziako jazarpen txapelketetan lortu zituen, munduko txapela 3 aldiz jantzi zuelarik. Horretaz gain, Frantziako Tourreko 5 etapa garaipen eta Espainiako Vueltako 2 etapa garaipen lortu zituen. Bere ibilbide profesional arrakastatsua, munduko 10, 20, 30 km eta orduko errekorrak zituena, bertan behera geratu zen, 1960ko Frantziako Tourrean izandako istripu baten ondorioz.

1960ko Tourra[aldatu | aldatu iturburu kodea]

1960ko Frantziako Tourra hasi zen, faborito nagusia izan behar zuen Jacques Anquetil gabe. Roger Rivière, 4. sailkatua aurreko urteko Tourrean, faborito nagusia bilakatu zen. Hala ere, Pirinioak pasa eta gero, Gastone Nencini italiarra zen liderra, Rivièrekin 1'38" aldea zeukalarik. 14. etapan, Erdialdeko Mendigunearen hegoaldea zeharkatu zuena, Avignonerako bidean, Rivière Nenciniri jarraitzen saiatu zen, italiarrak Col de Perjuret-eko jaitsieran ihes egin baitzuen. Alferrikako arriskuak hartuz, Rivière amildegi baten hondora erori zen, non adarrek bizia salbatuko zioten, baina larri zaurituta geratu zen.

Helikopteroan Montpellierreko ospitalera eramana, balantzea dramatikoa izango da: bizkarrezurreko 2 haustura eta paralisi itzulezin bat. Horrela amaitu zen une horretako txirrindulari oparoenetako baten kirol ibilbidea.^[1],^[2]

Palmaresa[aldatu | aldatu iturburu kodea]

1957

Mundoko jazarpen txapelketa
Frantziako jazarpen txapelketa

1958

Mundoko jazarpen txapelketa
2. Frantziako jazarpen txapelketan
3. Baracchi Sarian (Gérard Saintekin)

1959

Mundoko jazarpen txapelketa
Mont Faroneko Igoera
3. Dauphiné Libérén eta etapa bat
4. Frantziako Tourrean eta bi etapa
6. Espainiako Vueltan eta bi etapa
2. Nazioen Sari Nagusian
2. Super Prestige Pernod Internationalean

1960

Frantziako Tourreko hiru etapa
Dauphiné Libéréko etapa bat
Dunkerqueko Lau Egunetako etapa bat
Aljerreko Sari Nagusia (Gérard Saint eta Rudi Altigekin)

Munduko errekorrak[aldatu | aldatu iturburu kodea]

Orduko errekorra:
- 46,923 km, 1957ko irailaren 18an, Milango Vigorelli belodromoan
- 47,346 km, 1958ko irailaren 23an, Milango Vigorelli belodromoan
Munduko 20 km-ko errekorra:
- 25'15" - 1957ko irailaren 18an, Milango Vigorelli belodromoan
- 24'60" - 1958ko irailaren 23an, Milango Vigorelli belodromoan
Munduko 10km-ko errekorra:
- 12'31" - 1957ko irailaren 18an, Milango Vigorelli belodromoan
- 12'22" - 1958ko irailaren 23an, Milango Vigorelli belodromoan